Deuteronômio
10 Aiwadzarimhã Ꞌre höimana mono õ di dza niꞌwa tiꞌra tsiꞌaibö niwamhã tiꞌra tsipiꞌõ unhama na te te ĩdzata, niwamhã romhõtsi nhipetse na rowaihuꞌu dzô ĩhöimana hã, niwamhã romhõtsi nhipetse ꞌmanharĩꞌwa, niwamhã romhõtsi nhipetse na romnhowa ĩwatobrodzéb dzô ĩrĩtĩ hã, niwamhã abdzé ꞌmanharĩꞌwa, 11 niwamhã niꞌwa te te ĩdawadaꞌuri abdzé na hã, niwamhã niꞌwa tsô ĩrĩtĩ hã ĩhöibaꞌõ ꞌmahöröꞌwa dzô, niwamhã romhõtsi nhipetse na romnhowa rowaihuꞌuꞌwa dzô, niwamhã niꞌwa adöꞌö norĩ ma te te ĩrobdzanhamri hã. 12 E marĩ wa. Niꞌwa ta norĩ te te ĩꞌmanharĩ hã Jeová ma ꞌru ti, duré ta norĩ hã tãma ĩꞌrui uꞌöbö, Jeová, ate Ropotoꞌwa, te dama robꞌru atsiti.