Salmo
139 Jeová, a hã, te ꞌre ĩ̱ꞌmadöꞌö duré te ꞌre ĩ̱waihuꞌu. 2 Aima waihuꞌu petse di ĩ̱nhamra wamhã duré ĩ̱waihutu wamhã. Romhö hawi te ꞌre ĩtsadaihuꞌu ĩ̱nhimirotsaꞌrada hã. 3 Te ꞌre ĩ̱ꞌmadöꞌö mo ꞌre ĩ̱morĩ mono ré duré ĩ̱nomro mono ré; Aima waihuꞌu petse di uburé ĩ̱nebdzé hã. 4 Ĩ̱mreme watobro wana ré, a hã, Jeová, ma tô ĩwaihuꞌu wẽ oto. 5 Ĩ̱ꞌwawi te ꞌre aihöimana mo, ĩ̱babarã niwĩ duré ĩ̱nhoꞌre; Duré ĩ̱nhitsiwi te hiri ni atsibꞌrada hã. 6 Atsimirowaihu hã tsadai õ di te waihuꞌu petse da. ꞌRãihö uptabi wa, te ãma uwaimrami waihuꞌu õ di. 13 A hã ma tô ĩꞌmanha ĩ̱watö; Ma tô ĩ̱ꞌuptsibi ĩ̱na diꞌi ꞌremhã. 14 Wa aiꞌãma ĩ̱wata wẽ uptabi na, datobꞌudzudzém na, ĩ̱poto wa. Atsimiromhuri mono hã wẽ uptabi di, Ĩ̱ma waihuꞌu petse di. 15 Ĩ̱hi norĩ aiwi uptsibi dzaꞌra õ di Piꞌuriwi ĩ̱ꞌmanharĩ wamhã, Ĩ̱na diꞌi ꞌremhã ĩ̱prédub ré hã. 16 Atõmo na a hã ma tô ĩ̱ꞌmadö ĩ̱na diꞌi ꞌremhã ꞌre ĩ̱nomro mono ré; Uburé ĩwaꞌõtõ norĩ hã ma tô tsihötö dzaꞌra ni ate ĩhöiwarobo na, Bödö ĩꞌmanharĩ dzaꞌra dzéb ãma, Tsiwaꞌru ꞌmaihöimana õ ré. 17 Taha wa, e niha atsimirotsaꞌrada ĩ̱ma waꞌöbö dzaꞌẽtẽ di! Ropotoꞌwa, e niha atsimirotsaꞌrata dzaꞌratadzé ahö di! 23 Ĩ̱ꞌmadöꞌö petse, Ropotoꞌwa, duré ĩ̱pẽꞌẽ waihuꞌu. Ĩ̱ꞌmadöꞌö duré ĩ̱hötöꞌödzém norĩ waihuꞌu. 24 ꞌMadöꞌö tsiwaꞌru marĩ watsédé ĩ̱höimanadzém na, Duré ĩ̱dzaprõni bödödi ĩtsiꞌutõrĩꞌõdzéb da.