E ꞌwa ma aipoto

1 ꞌRe ihâimana u ꞌâsi mono hã ma ꞌmanhã hâiwa nori hã duré tiꞌai hã. — Zenezis 1:1.

2 ꞌRe ihâimana u ꞌâsi mono hã iré hã misi isisi hã. Isisi hã Zeuwa na. — Saumo 83:18.

Zeuwa te ꞌre hâimana hâiwa ꞌãma. Ta hã ipẽ ꞌẽzanisi. Ahã ꞌmadâꞌâ õ di. — Izaiza 66:1; Zuwã 1:18; 4:24.

3 Zeuwa ꞌRe ihâimana u ꞌâsi mono hã ma ꞌmanhã ahâ upitabi na rowasuꞌu ꞌwa nori hã hâiwa ꞌãma ã nori hã duré ipẽ ꞌẽzanisi. Uburé wẽ za ꞌra di. Durei hã, sidâ pâsi te ꞌre sihâi ꞌré za ꞌra dahâiba re aibâ nori hã te te ꞌre ꞌmadâꞌâ za ꞌra mono da. — Hebreusi 1:7.

4 Zeuwa ma ꞌmanhari za ꞌra abazê nori hã wahub ꞌahâna, aibâ hã te te poto parimhã. — Zenezis 1:25.

5 Zeuwa ma ꞌmanhã duré aibâ hã isisi hã Adã na duré ite piꞌõ nhisi Ewa na. — Zenezis 1:27.

ꞌRe ihâimana u ꞌâsi mono hã ma tô simizusi rob ꞌre ꞌrata rowẽ ꞌãma. Misi ma tô tãma ꞌmanhã imrõ da hã Adã hã ma hã. Aibã ma misi te za imrõ hã tãma ꞌre hâimana za ꞌra. — Zenezis 2:8, 21, 22, 24.

6 Aibâ hã ihâibaré hã. — Zenezis 2:7.

7 Abazê nori hã ihâibaré za ꞌra hã. — Zenezis 1:24.