E aima robdzei õ di

Ãma ĩtsimiré, Estados Unidos ãma hã, piꞌõ hã, Sallya na ĩtsitsi, ĩtsimarĩ norĩ hã ahö na tsiꞌubura ma uprotsi. Te tinha: “Ĩ̱höimanadzé pire uptabi, wa tô rotsaꞌrata ‘ꞌwapéi dzei õ di dza.’”

Piꞌõ ĩhöiba amo Austrália ãma hã, Janice na ĩtsitsi, ĩꞌra ma tidöꞌö dzahuré. Te tinha: “Ĩ̱ꞌra ĩ̱wi döꞌö dzahuré wamhã, ꞌre ĩ̱höimana dzei õ di. Wa tô rowaptẽ petse Höimanaꞌuꞌö wi: ‘Ĩ̱pẽꞌẽdzé uptabi di, wa ĩ̱tsima wẽ ĩ̱nhotõ uꞌötsi da.’”

Aibö, Daniel na ĩtsitsi, ma tirobdzeiꞌõ petse. Ĩmro hã ma tô aptsaihu aibö aimawi u. Te tinha: “Ĩ̱mro te te ĩ̱ma watsuꞌu wamhã ĩtsimiꞌmanharĩdzé hã, ĩ̱pẽꞌẽdzé uptabi di aꞌamo ahö na.”

Ãhã ĩtsõrédzém na hã, te dza ãma rowatsuꞌu: E niha wahöimanadzé hã rowẽ di dza ropire nherẽ. E mahã ropire norĩ hã:

• Robꞌru ti watobro wamhã

• Niꞌwa wama ĩtsawi pe döꞌö wamhã

• Damro na danhiptsaihuri

• Dahödzé ĩpire

• Dahöibadzeiꞌõ

E nimahã ropire norĩ hã te aihöiba.