ROMNHORÉ 20
E niha Jeová te te ꞌre uptsãtã datsiꞌrãꞌõtõ norĩ hã.
Uburé Ropotoꞌwa Jeová nhimiꞌmanharĩdzé hã uptsãtã ti. (1 Coríntios 14:40) Tawamhã, ĩtsine ĩtsibꞌaꞌuwẽ norĩ uptsãtã wẽ na te ꞌre höimana dzaꞌra. E niha Jeová nhibꞌaꞌuwẽ norĩ uptsãtã wẽ na te ꞌre höimana dzaꞌra ã bötö na hã. E niha waꞌuptsãtã wẽ na wa dza dame wahöimana dzaꞌra ni.
1. E ꞌwa hã datsiꞌrãꞌõtõ norĩ nhibꞌihöꞌa.
‘Cristo tinhibꞌaꞌuwẽ norĩ nhipai u te ꞌre höimana.’ (Efésios 5:23) Höiwa hawi Jesus te te ꞌre ꞌmadöꞌö mono Jeová nhibꞌaꞌuwẽ norĩ nhimiromhuri tiꞌai mono bö. Jesus ma tô pitsutu niꞌwa aibö ĩtsimidzadze prédum norĩ ‘romhuriꞌwa tsena na ĩhöimana duré te te ĩrowaihuꞌu petse’ da hã. Ta norĩ hã wama waihuꞌu petse dzaꞌra di Rowairébéꞌwai Ubumro na. (Tsõré na Mateus 24:45-47.) Apóstolo duré daꞌmadöꞌöꞌwa norĩ ne duréihã Jerusalém ãma ꞌre ĩhöimana dzaꞌra mono hã, Rowairébéꞌwai Ubumro hã ã bötö mono na hã te te ꞌre tsaprõni mono datsiꞌrãꞌõtõ norĩ hã Tiꞌai mono bö. (Atos 15:2) Tadzahã, ta norĩ hã wanhibꞌihöꞌa dzaꞌra õ di. Õ norĩ hã, te te ꞌre romnhoré dzaꞌra Ropotoꞌwai mreme na te te waihuꞌu dzaꞌra da Jeová te te tsima ĩwẽdzé, duré Jesus nhimiꞌmadöꞌö dzarina te te ꞌre romhuri dzaꞌra.
2. E ꞌwam norĩ daꞌmadöꞌöꞌwa norĩ hã, duré e marĩ te natsi ꞌmanharĩ dzaꞌra.
Daꞌmadöꞌöꞌwa norĩ hã aibö Cristo dzadawa dzamarĩꞌwa norĩ ĩtsimidzadze prédub dzaꞌra. Ropotoꞌwa nhibꞌaꞌuwẽ norĩ ma Ĩmreme na te te ꞌre rowahutu dzaꞌra. Te natsi pawaptob dzaꞌra duré te tsiptete dzaꞌra Jeová ma ĩromhuriꞌwa norĩ. Pawaꞌöbö dzaꞌra õ di ãhã romhuri da hã. Taha waꞌrãmimhã, te te ꞌre romhuri dzaꞌra da ‘mare di, ĩwadaꞌuri dzahi dzarina hã, tadzahã to tsina, ꞌRe ĩhöimana uꞌötsi mono te te tsima ꞌre ĩwẽ mono dzéb dzarina tsi. Mare di duré, robꞌuipradzé ãma te te ꞌre ĩtsõpẽtẽ dzaꞌra mono da hã.’ (1 Pedro 5:1, 2) Dapawaptoꞌwa norĩ te natsi pawaptob dzaꞌra daꞌmadöꞌöꞌwa norĩ. Ãma ronomro wi, Ropotoꞌwai mreme nhimiroti te te tsina uwaimrami dzaꞌra wamhã, dapawaptoꞌwa norĩ te dza duré pitsutu dzaꞌra ni daꞌmadöꞌöꞌwa da.
Rowairébéꞌwai Ubumro te te ꞌre pitsutu niꞌwa daꞌmadöꞌöꞌwa norĩ datsiꞌrãꞌõtõ ꞌmadöꞌöꞌwa da. Tahã aibö norĩ hã te te ꞌre tsabu dzaꞌra datsiꞌrãꞌõtõ norĩ hã te te tãma roti dzaꞌra da duré te te tsiptete dzaꞌra da datsitsãnawã norĩ hã. Ropotoꞌwai mreme nhimiroti dzarina, datsiꞌrãꞌõtõ ꞌmadöꞌöꞌwa norĩ te dza pitsutu dzaꞌra niꞌwa watsitsãnawã aibö norĩ dapawaptoꞌwa da duré daꞌmadöꞌöꞌwa da. — 1 Timóteo 3:1-10, 12; Tito 1:5-9.
3. E marĩ Jeová Watsuꞌuꞌwai mono bö te natsi ꞌmanha.
Aihĩni Jeová Watsuꞌuꞌwa norĩ ‘ꞌre ĩwatsiꞌrãꞌõtõ mono dzéb ãma te ꞌre wata dzaꞌra’ Jeová ãma. Taha da, te dame tihöimana dzaꞌra datsiꞌrãꞌõtõ norĩ na duré te dama roꞌmahörö dzaꞌra tite romhöimanadzé te te tãma ĩtsaꞌré dzaꞌra dzarina. — Tsõré na Salmo 22:22.
WAIHUꞌU DURÉ
Te dza ĩꞌmadö, e niha Jesus danhibꞌihöꞌa na te ꞌre höimana duré e niha daꞌmadöꞌöꞌwa norĩ te tsiwatsutu dzaꞌra te te tsidzutsi dzaꞌra da. Te dza ĩwaihu duré e niha Jesus wa dza tsadawa dzamarĩ dzaꞌra ni daꞌmadöꞌöꞌwa norĩ wa te pawaptob dzaꞌra tsina.
4. Jesus danhibꞌihöꞌa ĩtsimidzawi petse uptabi
Jesus tinhimidzawi petse na te wadzô tihörö dzaꞌra wa te pitsutu dzaꞌra da wanhibꞌihöꞌa da. Atsiré tsõré aba Mateus 11:28-30. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha Jesus te wapawaptob dzaꞌra wanhibꞌihöꞌa na.
E niha daꞌmadöꞌöꞌwa norĩ te natsi tsidzutsi dzaꞌra Jesus. ꞌMadöꞌö aba ĨROPODO.
Ropotoꞌwai mreme tsõꞌawi te roti daꞌmadöꞌöꞌwa norĩ nhimiromhuri na hã.
Atsiré tsõré aba Atos 20:28 duré 1 Pedro 5:1-3. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E aima rowẽ di daꞌmadöꞌöꞌwa norĩ Jesus tsine tsimidzawi petse dzaꞌra wa. E marĩ wa, ãne te ĩrotsaꞌra.
E niha duré daꞌmadöꞌöꞌwa norĩ te natsi tsidzutsi dzaꞌra Jesus.
5. Daꞌmadöꞌöꞌwa norĩ tihöimanadzém na te natsi dama ãma atsanho wẽ dzaꞌra
E niha Jesus te tsima wẽ daꞌmadöꞌöꞌwa norĩ tinhimiromhuri na te te rotsaꞌrata dzaꞌra da. ꞌMadöꞌö aba ĨROPODO.
Jesus tsõꞌawi ma tô roti datsiꞌrãꞌõtõ dzaprõniꞌwa norĩ ma. Atsiré tsõré aba Mateus 23:8-12. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ropotoꞌwai mreme dzarina, e niha daꞌmadöꞌöꞌwa norĩ ꞌre ĩhöimana dzaꞌra mono da tsi. Aima hã, danhibꞌihöꞌa norĩ danhimidzadze tsiwaꞌru ãma, e ãne te ꞌre höimana dzaꞌra.
Daꞌmadöꞌöꞌwa norĩ te natsi tsiptete dzaꞌra titsiwaihuꞌudzé Jeová ãma duré te natsi pawaptob dzaꞌra timro duré tiꞌra norĩ ãne duré te te ꞌmanharĩ dzaꞌra da.
Daꞌmadöꞌöꞌwa norĩ te natsi ꞌmadöꞌö wẽ dzaꞌra aihĩni norĩ datsiꞌrãꞌõtõ ãma hã.
Daꞌmadöꞌöꞌwa norĩ te natsi dama roꞌmahörö dzaꞌra.
Daꞌmadöꞌöꞌwa norĩ te natsi rowahutu dzaꞌra Ropotoꞌwai mreme na. Te duré pawaptob dzaꞌra datsiꞌrãꞌõtõdzéb uptsõ na duré romhuri ĩhöiba amo norĩ na.
6. E niha wa dza pawaptob dzaꞌra ni daꞌmadöꞌöꞌwa norĩ hã.
Ropotoꞌwai mreme te ãma rowatsuꞌu e marĩ wa, wa te ĩpawaptob dzaꞌra da tsi daꞌmadöꞌöꞌwa norĩ. Atsiré tsõré aba Hebreus 13:17. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa Ropotoꞌwai mreme te tinha daꞌmadöꞌöꞌwa norĩ wapẽꞌẽ na wa te tsadawa dzamarĩ dzaꞌra da. E niha te ãma ĩrotsaꞌra.
Atsiré tsõré aba Lucas 16:10. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa ĩpire daꞌmadöꞌöꞌwa norĩ nhimiromhuri wa te upari dzaꞌra da marĩ ĩtsuru na nherẽ.
NIꞌWAM NORĨ TE NHARĨ DZAꞌRA ÃNE: “Danhimidzadzedzéb ãma dame aihöimana õ nherẽ tsada hã atsiwaprotsi Ropotoꞌwai ãma aiwata da.”
E marĩ wa, wama rowẽ dzaꞌra di dza Ropotoꞌwai ma romhuriꞌwa norĩ me, ãma ꞌre wawata dzaꞌra mono da.
ĨWAIHUꞌUDZÉ HÃ
Jesus wanhibꞌihöꞌa duré daꞌmadöꞌöꞌwa norĩ te natsi tsadawa dzamarĩ dzaꞌra ĩtsimiroti. Wa te pawaptob dze dzaꞌra di daꞌmadöꞌöꞌwa norĩ hã tsimidzawi petse dzaꞌra wa duré tihöimanadzém na wama ãma tsitsanho wẽ dzaꞌra wa.
Ãma aipoꞌre puꞌu
E ꞌwa hã datsiꞌrãꞌõtõ norĩ nhibꞌihöꞌa.
E niha daꞌmadöꞌöꞌwa norĩ te natsi pawaptob dzaꞌra datsiꞌrãꞌõtõ norĩ hã.
E marĩ wahöiba mono bö wa te ĩꞌmanharĩ dzaꞌra da tsi datsiꞌrãꞌõtõ ꞌremhã.
TSÔ AIRĨTĨ DURÉ
ꞌMadöꞌö Rowairébéꞌwai Ubumro daꞌmadöꞌöꞌwa norĩ me Cristo dzadawa dzamarĩꞌwa norĩ ãma ĩhötöꞌö petse uptabi dzaꞌra na hã ã bötö na hã.
Ma tô tsiptete dzaꞌra watsitsãnawã norĩ dadzarẽdzéb ré (4:22)
ꞌMadöꞌö e niha datsiꞌrãꞌõtõ ꞌmadöꞌöꞌwa norĩ nhimiromhuri.
Datsiꞌrãꞌõtõ ꞌmadöꞌöꞌwa nhimiromhuri ꞌriꞌahö nhiti hã (4:51)
Tsõré na piꞌõ norĩ nhimiromhuri ĩpire uptabi na hã datsiꞌrãꞌõtõ ꞌremhã.
ꞌMadöꞌö e niha daꞌmadöꞌöꞌwa norĩ te romhuri petse dzaꞌra datsitsãnawã norĩ te te tsiptete dzaꞌra da.