ĨHÖIWAROBO UBUMRODZÉ ON-LINE Roꞌmadöꞌöꞌwa te hã
ĨHÖIWAROBO UBUMRODZÉ ON-LINE
Roꞌmadöꞌöꞌwa
A'uwẽ mreme
ꞌ,ĩ̱,Ö...
  • ꞌ
  • ẽ
  • Ẽ
  • ĩ
  • Ĩ
  • ĩ̱
  • Ĩ̱
  • ö
  • Ö
  • BÍBLIA
  • ROMNHORÉDZÉ MONO
  • DATSIꞌRÃꞌÕTÕ NORĨ
  • lff romnhoré 38 ĩwatsuꞌudzé norĩ 1-5
  • Höiꞌré na dahöimanadzé aima ĩpire na hã

Ĩropodo baba di ĩwaꞌõno ĩpitsutudzéb da hã.

Waꞌruiwapari tõ, ĩropodo tsadai õ di.

  • Höiꞌré na dahöimanadzé aima ĩpire na hã
  • Rowẽ tsina ꞌre aihöimana uꞌötsi mono! — Bíblia na romnhoré te dza aima rowẽ
  • Romnhoré nhitsi ĩtsyry
  • Romnhorédzé ĩtsarina
  • WAIHUꞌU DURÉ
  • ĨWAIHUꞌUDZÉ HÃ
  • TSÔ AIRĨTĨ DURÉ
  • E niha Jesus döꞌödzé te te waꞌanhoꞌreptui waihuꞌu petse dzaꞌra di.
    Rowẽ tsina ꞌre aihöimana uꞌötsi mono! — Bíblia na romnhoré te dza aima rowẽ
  • E marĩ da Ropotoꞌwa ma tô wapoto dzaꞌra.
    Rowẽ tsina ꞌre aihöimana uꞌötsi mono! — Bíblia na romnhoré te dza aima rowẽ
Rowẽ tsina ꞌre aihöimana uꞌötsi mono! — Bíblia na romnhoré te dza aima rowẽ
lff romnhoré 38 ĩwatsuꞌudzé norĩ 1-5
Romnhoré 38. Damama duré dana te tsubdzari dzahuré tiꞌra aiꞌuté.

ROMNHORÉ 38

Höiꞌré na dahöimanadzé aima ĩpire na hã

Ĩhöiwarobo na
Ĩhöiwarobo na
Ĩhöiwarobo na

Marĩ ĩwẽ ahö di dahöimanadzém na. Ropire wa te ꞌwapé dzaꞌra nherẽ, tsada hã wa te watsima rowẽ dzaꞌra da nimahã marĩ norĩ na. E niha bété wa dza höiꞌré dzaꞌra ni Jeová ma, wama ĩrobdze na hã dahöimanadzé te te wama ĩtsõmri dzaꞌra na hã. E marĩ ĩpire uptabi dzarina ãne wa dza ꞌmanharĩ dzaꞌra ni.

1. E marĩ wa, wa dza höiꞌré dzaꞌra ni dahöimanadzé wama ĩpire na hã.

Dahöimanadzé hã Wamama ĩtsimidzawi petse nhibdzari, Jeová nhibdzari. Taha wa, wa dza höiꞌré dzaꞌra ni tahã wama ĩpire na hã. Jeová hã ‘dahöimanadzém nhanaꞌrada’. Õ hã, dahöimanadzé potoꞌwa. (Salmo 36:9) ‘Tô õhõ tsi dapẽꞌẽdzani hã te te dama ꞌre anhomri mono wa, dapẽꞌẽdzanidzé hã duré uburé marĩ norĩ hã.’ (Atos 17:25, 28) Uburé marĩ norĩ hã ãma ꞌre ĩwahöimana dzaꞌra mono dzéb da hã Jeová hawimhã. Taha tsi õ di, õ hã te duré wama tsõmri dzaꞌra marĩ norĩ hã wa te watsima rowẽ dzaꞌra da wahöimanadzém na. — Tsõré na Atos 14:17.

2. E niha wa dza höiꞌré dzaꞌra ni Jeová ma dahöimanadzé wama ĩpire na hã.

Duréihã, Ropotoꞌwai ma romhuriꞌwa Davi na ĩtsitsi ma tô tiwi rowaptẽ: “Atõmo na a hã ma tô ĩ̱ꞌmadö ĩ̱na diꞌi ꞌremhã ꞌre ĩ̱nomro mono ré.” (Salmo 139:16 TNM) Tahã te höiꞌré Jeová te te aiꞌãma ĩrotsaꞌrata na hã, ana airé hã watsã hawi. Aihöimanadzé, ĩpire uptabi Jeová ma. (Tsõré na Mateus 10:29-31.) Dahöimanadzé hã ĩpire uptabi Jeová ma. Taha wa, tãma robdzeiꞌõ uptabi di niꞌwa te te dapãrĩ wamhã niwamhã tsiwĩrĩ wamhã.a (Êxodo 20:13) Jeová te aré duré tiwi tirobdzeiꞌõ petse, wa norĩ hã pibui petse ãna wa te watsima robꞌmanharĩ ꞌwaꞌöhã, duré wa te dama robꞌmanharĩ ꞌwaꞌöhã. Wahöimanadzé wa te pibui petse dzaꞌra wamhã, duré dahöimanadzé wa te wadzéb dzaꞌra wamhã, wa höiꞌré dzaꞌra ni ãhã danhibdzari wama ĩpire uptabi na hã.

WAIHUꞌU DURÉ

Te dza ĩꞌmadö nimahã marĩ norĩ a hã höiꞌré da dahöimanadzé aima ĩpire na hã.

3. Aihöiba ꞌmadöꞌö wẽ na

Jeová ma romhuriꞌwa na, wa tãma ropitsutu dzaꞌra ni wahöimanadzém na hã wa te tãma romhuri dzaꞌra da. Tahã wahöiba na tãma ĩwanhoprub dzaꞌra ne. Atsiré tsõré aba Romanos 12:1, 2. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

  • Ãhã romnhihötö dzarina, e marĩ wa, aihöiba hã te dza ĩꞌmadöꞌö wẽ.

  • E niha ãne te dza ĩꞌmanha.

Piꞌõ ĩwatsã ré te robdzanha dawedeꞌwai ma.

4. Ãma ꞌre pibui petse mono datsiꞌuꞌa dzaꞌra tõ da duré dadöꞌö dzaꞌra tõ da

Ropotoꞌwai mreme te wama roti dzaꞌra wa te wẽꞌõ dzaꞌra da marĩ ĩtsimimnhatsi norĩ hã. ꞌMadöꞌö aba ĨROPODO waihuꞌu da e niha te dza ãma ꞌre atsipibui petse mo marĩ ĩtsimimnhatsi wi.

ĨROPODO: Ãma ꞌre pibui petse mono uburé ĩꞌmanharĩdzém na (8:34)

Atsiré tsõré aba Provérbios 22:3. Taha parimhã atsima robdzanhamri aba e niha a hã duré ĩhöiba amo norĩ te dza ãma ꞌre ĩpibui petse dzaꞌra waꞌaba mo . . .

  • ꞌri ãma.

  • romhuri ãma.

  • datoi ãma datsiwairo ré.

  • robduri na atsitsaꞌrei waꞌaba wamhã niwamhã roꞌmapraba dzaꞌra waꞌaba wamhã.

Aibö ma tsitété daꞌuꞌa wi datsitétédzém na robduri ꞌre.

5. Wadzé na aiꞌuté höimanadzé dadiꞌi ꞌre

Piꞌõ ĩwatsã ré te upi tidi.

Davi ma tô ãma rowatsuꞌu Jeová te te ĩrotsaꞌrata petse na hã aiꞌuté dzô ĩwatobrodzém na hã poto õ ré. Atsiré tsõré aba Salmo 139:13-17 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:

  • Jeová ma hã, e aiꞌuté höimanadzé te dza tinhanaꞌrata piꞌõ ĩré watsã wi, e aiꞌuté poto wi.

Duréihã, Israel nhihudu norĩ ꞌremhã, Jeová ma tô roti datsimapa dzaꞌra da dana ꞌwawi duré aiꞌuté ĩpotoꞌõ ꞌwawi. Atsiré tsõré aba Êxodo 21:22, 23 TNM. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

  • E niha Jeová te rotsaꞌrata niꞌwa te te tsima wẽ ãna te te wĩrĩ wamhã aiꞌuté dzahadu poto õ ré.

  • E niha Jeová te tihöiba niꞌwa ãne te te ꞌmanharĩ wamhã tsima ĩwẽ dzarina.b

  • E niha te ĩrotsaꞌra Jeová nhimirotsaꞌrata na dawatsã ãma.

ꞌMadöꞌö aba ĨROPODO.

ĨROPODO: Dahöimanadzé hã ĩpire Jeová ma (5:00)

Piꞌõ dahöimanadzé te te wadzé nherẽ, ãté nimahã na te rotsaꞌrata ĩbö newa dawatsã pãrĩ da hã. Atsiré tsõré aba Isaías 41:10 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:

  • Piꞌõ da te wati wamhã, tiwatsã te te wĩrĩ da e ꞌwai nhimipawaptobdzéb dzô te dza tsô rĩni. E marĩ wa.

NIꞌWAM NORĨ TE NHARĨ DZAꞌRA ÃNE: “Marĩ õ di piꞌõ te te tsima wẽ wamhã dawatsã te te wĩrĩ da. Ĩhöiba wamhã, tsiꞌuihö na te dza tsima pitsutu.”

  • E marĩ te aima waihuꞌu Jeová ma ĩpire na hã piꞌõ höimanadzé duré aiꞌuté ĩpotoꞌõ höimanadzé.

ĨWAIHUꞌUDZÉ HÃ

Dahöimanadzé hã Jeová nhibdzari ĩwẽ uptabi. Taha wa, Ropotoꞌwai mreme te wama roti dzaꞌra dahöimanadzé wa te tsawi dzaꞌra da, wa te wadzéb dzaꞌra da, duré ĩꞌwawi watsimapa dzaꞌra da. Ãne wa dza ꞌmanharĩ dzaꞌra ni wahöimanadzé wamhã niwamhã ĩhöiba amo höimanadzé wamhã.

Ãma aipoꞌre puꞌu

  • E marĩ wa, dahöimanadzé hã Jeová ma ĩpire.

  • E niha Jeová te tihöiba niꞌwa te te dapãrĩ wamhã niwamhã tsiwĩrĩ wamhã.

  • E marĩ wa, dahöimanadzé hã aima ĩpire.

Taha da atsiptete

TSÔ AIRĨTĨ DURÉ

E niha wa dza hepãrĩ dzaꞌra ni Jeová ma wahöimanadzé te te wama ĩtsõmri dzaꞌra na hã.

Danhoꞌre 141 — Dahöimanadzé hã Jeová nhibdzari (2:41)

E tsada hã Ropotoꞌwa dana tiwatsã te te ĩpãrĩ watsédé te tãma apari da.

“E marĩ Ropotoꞌwai mreme te tinha dawatsã pãrĩ na hã.” (Ĩtsihötödzé jw.org na)

ꞌMadöꞌö e niha Ropotoꞌwa nhimirotsaꞌrada dahöimanadzém na hã te dza rétsi wanhimipitsudu hã watodzéb da na hã.

“‘Dato ĩpipa’ — E te dza dame aihöiba tsimimnhatsi nherẽ.” (Atsimidzaꞌretse!, 8 outubro na, 2000 na)

ꞌMadöꞌö e niha Ropotoꞌwai mreme te dza pawapto niꞌwa te te tsina ĩrotsaꞌrada tsiwĩrĩ da.

“Wa ĩ̱tsima wẽ ĩ̱döꞌö da.  —  E Ropotoꞌwai mreme tô tsena te te ĩ̱pawapto waihuꞌu petse di ĩ̱tsiwĩrĩ da na te ĩ̱tsina rotsaꞌrata wamhã.” (Ĩtsihötödzé jw.org na)

a Niꞌwa te te tsina ĩrotsaꞌrada tsiwĩrĩ da Jeová te te tsadaihuꞌu petse di ĩtsimirobdzépada, duré te tsima wẽ te te pawaptob da. Jeová pẽꞌẽdzé uptabi di ĩpẽꞌẽ ꞌre rowẽ dzô tiwi tsô ꞌre ĩrobaba dzaꞌra mono norĩ ãma hã. (Salmo 34:18) ꞌMadöꞌö da e niha Jeová te te pawapto waihuꞌu petse di tsiwĩrĩ da te te ĩrotsaꞌrata dzaꞌra norĩ, ꞌmadöꞌö ĩtsihötödzé hã ĩwaꞌõtõ ꞌremhã “Tsô airĩtĩ duré”: “Wa ĩ̱tsima wẽ ĩ̱döꞌö da. — E Ropotoꞌwai mreme tô tsena te te ĩ̱pawapto waihuꞌu petse di ĩ̱tsiwĩrĩ da na te ĩ̱tsina rotsaꞌrata wamhã.”

b Piꞌõ tiwatsã oto te te ĩpãrĩ robdzeiꞌõ uꞌötsi ꞌre höimana mono õ di dza tinhimiꞌupai uꞌöbö. Tsada hã Jeová ĩꞌupa hã te te tãma pari da. Waihuꞌu petse da, tsõré na ĩtsihötödzé hã ĩwaꞌõtõ ꞌremhã “Tsô airĩtĩ duré”: “E marĩ Ropotoꞌwai mreme te tinha dawatsã pãrĩ na hã.”

    Ĩhöiwarobo mono aꞌuwẽ mreme na (2008-2025)
    Watobrodzé
    Tsébrédzé
    • A'uwẽ mreme
    • Tsatõrĩ da
    • Datsima Ĩwẽdzé
    • Copyright © 2025 Watch Tower Bible and Tract Society of Pennsylvania
    • Site Nhimiroti
    • Datsitsihödö Ĩꞌrudzahi
    • Ĩ̱nhimipitsudu Privacidade na
    • JW.ORG
    • Tsébrédzé
    Tsatõrĩ da