27 Ngoko uDavide wesuka waza yena namadoda akhe bahamba, babulala+ phakathi kwamaFilisti amakhulu amabini amadoda, yaye uDavide wawazisa amajwabi awo+ waza wawanika ukumkani elinani elipheleleyo, ukuze endiselane nokumkani. Naye ke uSawule wamnika uMikali intombi yakhe njengomfazi.+

44 Ke yena uSawule, wathabatha uMikali+ intombi yakhe, umfazi kaDavide, wamnika uPalti,+ unyana kaLayishe, owayengowaseGalim.+

13 Wathi yena: “Kulungile! Mna ndiya kuwenza nawe umnqophiso. Inye kuphela into endiyicelayo kuwe, ndisithi, ‘Akunakububona ubuso bam+ ngaphandle kokuba kuqala uzise uMikali,+ intombi kaSawule, xa uze kubona ubuso bam.’”

20 Ke kaloku uDavide wabuya ukuze asikelele indlu yakhe,+ yaye uMikali,+ intombi kaSawule, waphuma wahlangabeza uDavide waza ke wathi: “Hayi indlela athe wazizukisa ngayo ukumkani wakwaSirayeli namhlanje+ xa athe wazityhila namhlanje emehlweni amakhobokazana abakhonzi bakhe, kanye njengoko ezityhila omnye wabantu abaziziphukuphuku!”+