‘Yandinceda Ndahlolisisa Indlela Endiphila Ngayo’

LOO NTO yathethwa yintombazana eneminyaka eli-18 ubudala egama linguMaria esuka kwisixeko saseCherepovets ngokuphathelele incwadi ethi Imibuzo Yabantu Abaselula—Iimpendulo Eziluncedo. Yayibhalela oku iofisi yesebe yamaNgqina kaYehova kufutshane naseSt. Petersburg, eRashiya, kwiikhilomitha ezimalunga nama-400 ukusuka eCherepovets.

“Le mpapasho indincede ndazihlolisisa mna, kwanosukelo lwam nabantu abandingqongileyo. Iye yandiphendulela imibuzo echaphazela mna ubukhulu becala. Ngoxa ndandifunda le ncwadi, kwathi chiphi chiphi iinyembezi zovuyo.”

UMaria wongezelela ngelithi: “Kwaba ngathi kususwe umkhusane emehlweni, aza avuleka ngenxa yovuyo. Le yeyona ncwadi isemagqabini kwendakha ndazifunda ebomini bam. Ayikho enye efana nayo, ekubeni isekelwe eBhayibhileni yaye icebiso likaYehova uThixo lelona lilungileyo.”

Ukuba nawe ungathanda ukungenelwa kwinkcazelo ekwincwadi ethi Imibuzo Yabantu Abaselula—Iimpendulo Eziluncedo, unokuzifumanela umbhalo ngokuzalisa uze uthumele iphetshana elingezantsi kwidilesi eboniswe kulo okanye kwidilesi efanelekileyo kwezidweliswe kwiphepha 5 leli phephancwadi.

□ Ndithumeleni incwadi ethi Imibuzo Yabantu Abaselula—Iimpendulo Eziluncedo.

□ Ncedani niqhagamshelane nam ngokuphathelele isifundo seBhayibhile sekhaya sesisa.