Sinokuhlakulela umbulelo size sihlale sinawo ngokucamngca ngeentsikelelo zethu nangokubulela uYehova ngazo. Ukuba noxabiso kuya kusinceda silwe nokungabi nambulelo size sikwazi ukujongana nezilingo. Umxholo wonyaka ka-2015 uza kuhlala usikhumbuza ngaloo nto.

▪ Kutheni Sisenza Isidlo Sangokuhlwa SeNkosi?

Eli nqaku lisenza sicace isizathu sokuba simele sikhumbule ukufa kukaYesu. Licacisa oko kumelwa sisonka newayini eSikhumbuzweni, lize libonise indlela umntu azi ngayo ukuba umele athabathe kwimifuziselo. Liza kusinceda sibone nokuba singasilungiselela njani iSidlo Sangokuhlwa SeNkosi.

▪ Yakhani Umtshato Owomeleleyo Nowonwabisayo

▪ Vumelani UYehova Omeleze Aze Akhusele Umtshato Wenu

Abantu abatshatileyo bajongene neengxaki nezilingo ezininzi. Sekunjalo, uYehova unokubanceda bakwazi ukuba nomtshato owomeleleyo nowonwabisayo. Inqaku lokuqala liza kuthetha ngeendlela ezintlanu zokomeleza umtshato. Elesibini liza kusibonisa indlela yokukhusela umtshato.

▪ Ngaba Kunokwenzeka Ukuba Uthando Lungapheli?

Lunjani uthando lokwenene oluphakathi kwendoda nomfazi? Ngaba kunokwenzeka ukuba uthando lungapheli? Lubonakaliswa njani olo thando? Khawuve ukuba isifundisa ntoni iNgoma yazo Iingoma ngothando olungapheliyo.

KWAKULE MBONISELO

3 Bazinikela Ngokuvumayo—ENew York

KWIPHEPHA LOKUQALA: Umzalwana ushumayela ephethe iBhayibhile kwilali yaseGrindelwald, kubonakala iiAlps zaseBern ngasemva

ESWITZERLAND

ABEMI

7 876 000

ABAVAKALISI

18 646

ABEZE ESIKHUMBUZWENI (NGO-2013)

31 980