Ucwangciso Lwentlanganiso Yenkonzo
Iveki Eqala NgoMatshi 13
10 imiz: Izaziso zasekuhlaleni. Izaziso Ezikhethiweyo kuBulungiseleli Bethu BoBukumkani.
15 imiz: “Sishumayela Iindaba Ezilungileyo.” Yenza amagqabaza amafutshane entshayelelo angaphantsi komzuzu, uze ulandelise ngengxubusho yemibuzo neempendulo. Nikela imizekelo eyakhayo yeengongoma ezingokweZibhalo ezinokucatshulwa kwincwadi ethi Ulwazi xa ihanjiswa kubulungiseleli.
20 imiz: “Ngaba Sinokwenza UAprili Wama-2000 Abe Yeyona Nyanga Isemagqabini Kuthi?” (Isiqendu 1-11) Imibuzo neempendulo. Chaza inani eliyincopho loovulindlela abangabancedani kwimbali yebandla yakutshanje. Yiba nabathile abayinxalenye yelo nani ababalisa iingenelo zobuqu abaye bazifumana ngokwandisa isabelo sabo kubulungiseleli. Khuthaza ibandla ukuba lisebenzele ukuba nencopho entsha yoovulindlela abangabancedani ngoAprili. Hlolisisa iimfaneleko ezandlalwe kwincwadi ethi Ubulungiseleli Bethu, iphepha 113-14. Abavakalisi abanqwenela ukuba ngoovulindlela abangabancedani banokufumana ifomu yesicelo emva kwentlanganiso.
Ingoma 187 nomthandazo wokuqukumbela.
Iveki Eqala NgoMatshi 20
10 imiz: Izaziso zasekuhlaleni. Ingxelo yemali.
15 imiz: “Yintoni Endinokuyenza?” Umqhubi wesifundo sencwadi uxubusha inqaku nesicaka solungiselelo esinye okanye ezibini. Ngenxa yoothunywashe abahlukahlukeneyo, bambi abavakalisi basenokuvakalelwa kukuba banokuba negalelo elingephi kumsebenzi webandla. Hlolisisa ezinye zeendlela ezininzi esinokuthi sonke sibe negalelo elibonakalayo ngazo ekomelezeni ibandla nasekuhambiseleni phambili umsebenzi woBukumkani. Qukumbela ngokubonisa indlela ngamnye wethu “Anokuba Nesabelo Ngayo Kwingxelo Yokugqibela.”—Bona incwadi ethi Ubulungiseleli Bethu, iphepha 108-10.
20 imiz: “Ngaba Sinokwenza UAprili Wama-2000 Abe Yeyona Nyanga Isemagqabini Kuthi?” (Isiqendu 12-18) Imibuzo neempendulo. Quka umboniso omfutshane obonisa indlela yokumemela umntu omqhelileyo eSikhumbuzweni. Hlolisisa “IKhalenda Yobuthixo kaAprili 2000,” uze uxubushe ngeentlanganiso zenkonzo ezicetywe ekuhlaleni. Khumbuza ngamnye ukuba enze ucwangciso olusebenzisekayo lokuba nesabelo kangangoko kunokwenzeka kubulungiseleli ebudeni benyanga, ngaloo ndlela sizabalazela ukuba sonke ebandleni sibe nesabelo. Khuthaza bonke abanako ukuba babe ngoovulindlela abangabancedani yaye bazifumanele ifomu yesicelo emva kwentlanganiso.
Ingoma 65 nomthandazo wokuqukumbela.
Iveki Eqala NgoMatshi 27
10 imiz: Izaziso zasekuhlaleni. Bakhumbuze bonke ukuba bangenise iingxelo zenkonzo yasentsimini kaMatshi. Yazisa amagama abo baza kube bengoovulindlela abangabancedani ngoAprili. Chaza ukuba ithuba lisekho ukuba kungeniswe ifomu yesicelo. Xubusha ngocwangciso lweentlanganiso zenkonzo yasentsimini olucetyelwe le nyanga. Khuthaza wonke ubani ukuba abe nesabelo kubulungiseleli kule mpela-veki, ukuze aqaliswe kakuhle uAprili. Siza kube sihambisa inkupho yeMboniselo noVukani! kule nyanga. Kwinkupho nganye yakutshanje, balaselisa inqaku libe linye nengongoma efanelekileyo ekunokuthethwa ngayo enokusetyenziswa ngokuphumelelayo kwiintshumayelo. Wonke ubani ufanele abe nenkupho yencwadana enemifanekiso ethi Okufunwa NguThixo yaye azabalazele ukuyisebenzisa ukuze aqalise izifundo zeBhayibhile nabantu abanomdla.
17 imiz: “Fundisisa Isiprofeto SikaDaniyeli.” Imibuzo neempendulo. Gqabaza ngokufutshane ngendlela esiza kungenelwa ngayo ngokufundisisa incwadi yeBhayibhile kaDaniyeli. (Bona isahluko 1, isiqendu 15-17, kwincwadi ethi Isiprofeto SikaDaniyeli.) Bakhuthaze bonke ukuba babekho rhoqo Kwisifundo Sencwadi Sebandla.
18 imiz: Ngaba Ndifanele Ndibuxele Ububi Obunzulu? Intetho ngumdala, ejoliswe kubantu abaselula. Kuye kwavela iingxaki eziye zanomphumo oyingozi kubantu abaselula kwibutho lezimini: ukwehla kwemilinganiselo yokuziphatha, ukwesamela kogonyamelo, ukukhotyokiswa ziziyobisi nokungahlonelwa kwegunya. Lumbi ulutsha luphila ubomi obumbaxa, lufihla ihambo yalo evakalala. Oku kusisisongela sokwenene kwimpilo-ntle engokomoya yebandla lonke. Lumbi lwenza ububi obunzulu luze lubugcine buyindaba yakwamkhozi. Ukuba ufumanisa ukuba umzalwana okanye udade ebandleni wenze into ethile engqubana ngokunzulu nomthetho kaThixo, ufanele wenze ntoni? Hlola umgaqo okwiLevitikus 5:1. (Bona iMboniselo, kaAgasti 15 1997, kwiphepha 27-30.) Bhekisela kwincwadi ethi Imibuzo Yabantu Abaselula, iphepha 68-9, uze uchaze into afanele ayenze umntu okwimeko enjalo.
Ingoma 195 nomthandazo wokuqukumbela.
Iveki Eqala NgoAprili 3
10 imiz: Izaziso zasekuhlaleni namava enkonzo yasentsimini. Sebenzisa amava akutshanje entsimi yasekuhlaleni aya kukhuthaza abanye ukuba babe nesabelo.
13 imiz: “Cela Uncedo.” Intetho enikelwa ngumdala nengxubusho nabaphulaphuli. Chaza indlela sonke esilufuna ngayo uhlobo oluthile loncedo ngamaxesha athile. Phofu ke, ngamnye ufanele azithwalele owakhe umthwalo. (Gal. 6:5) Noko ke, xa sihexa, asifanele sithandabuze ukucela uncedo kwilungu eliqolileyo ngokomoya lebandla. Cela abaphulaphuli ukuba babalise indlela uncedo lobubele olunikelwa ngabanye olubakhuthaze ngayo.
10 imiz: Iimfuno zasekuhlaleni.
12 imiz: Hlola Incwadi Yonyaka Yowama- 2000. Ingxubusho nabaphulaphuli neembalasane “Zezimbuku Ezikhulu Zowe-1999,” kwiphepha 31. Kwakhona xubusha “Ileta Evela KwiQumrhu Elilawulayo,” ekwiphepha 3-5. Cela amagqabaza abanye ngento abaya kuyenza ngokhuthazo olunikelweyo.
Ingoma 68 nomthandazo wokuqukumbela.