Ukukhonza Apho Imfuneko Inkulu Khona

Kufuneka abadala, izicaka zolungiselelo noovulindlela kula mabandla alandelayo. La mabandla aya kuluxabisa uncedo lokunyamekela iimbopheleleko zebandla okanye ukugubungela intsimi yawo enkulu engafane isetyenzwe rhoqo.

EDindini, eBizana: Abadala bayacelwa ukuba baze kunceda eli bandla linabavakalisi abangama-67, oovulindlela abathe ngxi abali-9, nomdala omnye kuphela.

ELugwijini, kufutshane naseBizana: Kufuneka uncedo kweli bandla linabavakalisi abangama-27 noovulindlela abathe ngxi aba-6. Ngokomlinganiselo kwintlanganiso yentetho yesidlangalala kubakho abantu abangama-59. Le ndawo ithembisa ngokuba nolwando olungummangaliso, ngenxa yoko kufuneka abadala nezicaka zolungiselelo ngokungxamisekileyo.

ELugangeni, eMount Frere: Ngaba unokukwazi ukufudukela kweli qela linabavakalisi abahlanu noovulindlela abathe ngxi ababini? Bafuna abadala, izicaka zolungiselelo noovulindlela.

EMgungundlovu, eMount Frere: Abadala nezicaka zolungiselelo ezineentsapho ziya kuba luncedo kakhulu kweli qela linoodade abathandathu. Kufuneka noovulindlela ukuze baze kunceda.