“Kumele Ukuthi Ke Ukuqala Kuvakaliswe Iindaba Ezilungileyo Ezi”
“Kumele ukuthi ke ukuqala kuvakaliswe iindaba ezilungileyo ezi kuzo zonke iintlanga.”—MARKO 13:10.
1. Yintoni eyenza amaNgqina kaYehova ahluke kuzo zonke ezinye iinkonzo zeNgqobhoko, yaye ngoba?
KUBO bonke abo bathi bangamaKristu, ngamaNgqina kaYehova kuphela akujonga nzulu ukushumayeia iindaba ezilungileyo. Akupheia kweqela apho lungu ngalinye liziva linembopheleleko yobuqu yokuya rhoqo kummelwane walo ukuze lithethe naye ngeenjongo zikaThixo. Kutheni kunjalo nje oku? Kungenxa yokuba Ngqina ngalinye linoluvo lokuba, njengomKristu, limele lilandele emanyathelweni kaKristu. (1 Petros 2:21) Kuthetha ukuthini oku?
2. Abantu abaninzi bamjonga njani uYesu Kristu, kodwa wawuyintoni umsebenzi wakhe ophambili emhlabeni?
2 Kwiingqondo zabantu abaninzi, uYesu Kristu wayengumntu nje owenza izenzo ezilungileyo. Waphilisa abagulayo, wondia abalambileyo waza wabonakalisa uthando nobubele kwabasweleyo. Kodwa uYesu wenza okuninzi okungakumbi. Okokuqala nje wayengumshumayeli onenzondelelo weendaba ezilungileyo zoBukumkani bukaThixo. Kwiinyanga ezimbalwa emva kokubhaptizwa kwakhe kumlambo iYordan, uYesu waqalisa ukushumayeia ekuhleni esithi: “Guqukani, kuba ubukumkani bamazulu busondele.” (Mateyu 4:17) lngxelo kaMarko ithi: “Weza uYesu kwelaseGalili, evakalisa iindaba ezilungileyo zobukumkani bukaThixo, esithi, Lizalisekile ixesha, nobukumkani bukaThixo busondele; guqukani, nikholwe kuzo iindaba ezilungileyo ezi.”—Marko 1:14, 15.
3, 4. (a) Nangona uYesu wayephilisa zonke iintlobo zezifo, yintoni awayibethelelayo kubulungiseleli bakhe? (b) Kwakutheni ukuze uYesu athunywe? (c) UYesu wawufanisa nantoni umsebenzi wakhe wokushumayela, ibe abafundi bakhe wabaxelela ukuba benze ntoni?
3 UYesu wabiza uPetros, uAndreya, uYakobi noYohane ukuba bamlandele, ibe sifunda oku: “Waye uYesu elihamba lonke elaseGalili, efundisa ezindiwini zabo zesikhungu, evakalisa iindaba ezilungileyo zobukumkani, ephilisa izifo zonke nezikhuhlane zonke ebantwini.” Xa izihlwele zabantu eGalili zazama ukumbamba, wathi: “Ndimelwe kukuba ndizishumayele iindaba ezilungileyo zobukumkani bukaThixo nakweminye imizi, ngokuba ndithunywe oko.” Ngoko waya kushumayeia ezindiwini zesikhungu zelakwaYuda.—Mateyu 4:18-23; Luka 4:43, 44.
4 Ebuyela eGalili, kwakhona uYesu “wayihamba imizi ngemizi, nemizana ngemizana, ezivakalisa ezishumayeia iindaba ezilungileyo zobukumkani bukaThixo.” (Luka 8:1) Umsebenzi wakhe wokushumayeia wawufanisa nokuvuna waza wathi: “Ukuvuna okunene kuninzi, kodwa bona abasebenzi bambalwa. Khungani ngoko eNkosini yokuvuna, ikhuphe abasebenzi, baye ekuvuneni kwayo.” (Mateyu 9:35-38) Kwanaxa izihlwele zazimpheka zimophula, “wazamkeia ke; wayethetha kuzo ngabo ubukumkani bukaThixo; wayebaphilisa ababeswele impilo.”—Luka 9:11.
5. Xa uYesu wathuma abapostile bakhe nabanye abafundi kubulungiseleli, yiyiphi imiyalelo awabanika yona?
5 Kuyinyaniso ukuba, uYesu waphilisa abagulayo yaye ngezinye izihiandio wondia abalambileyo. Kodwa ngaphezu kwako konke, wayexakekile exelela abantu ngoBukumkani bukaThixo. Yaye wafuna abalandeli bakhe ukuba benze okufanayo. Akuba ebaqeqeshile abapostile bakhe, wabathuma ngababini ukuba bayoshumayela, esithi: “Ekuhambeni kwenu ke vakalisani, nisithi, Ubukumkani bamazulu busondele.” (Mateyu 10:7) ULuka uthi: “Wabathuma ukuba babuvakalise ubukumkani bukaThixo, bayiphilise imilwelwe.” (Luka 9:2) Kubafundi abangama-70, uYesu wakwanikela umyalelo wokuba ‘baphilise imilwelwe baze bayixelele ukuba ubukumkani bukaThixo busondele.’—Luka 10:9.
6. Ngaphambi kokuba anyukele emazulwini, yiyiphi imiyalelo emayela nobulungiseleli babo uYesu awayinika abalandeli bakhe?
6 Ngaphambi kokunyukela emazulwini, uYesu wayalela abalandeli bakhe ukuba baqhubeke yaye bade bawandise umsebenzi wokushumayela. Wabayalela oku: “Hambani ngoko niye kuzenza abafundi zonke iintlanga, . . . nibafundisa ukuba bazigcine zonke izinto endiniwisele umthetho ngazo.” (Mateyu 28:19, 20) Ngokubhekele phaya, wathi: “Niya kwamkela ke amandla, akubon’ ukuba uMoya oyiNgcwele uhlile phezu kwenu; nibe ngamangqina am eYerusalem, kwanakulo lonke elakwaYuda nelaseSamariya, kude kuse nasekupheleni komhlaba.” (IZenzo 1:8) Ngaloo ndlela, uYesu nabapostile bakhe bakwenza into ephambili ukushumayela iindaba ezilungileyo zoBukumkani bukaThixo.
UBukumkani Bumele Bushunyayelwe Kwixesha Lethu
7. Wathini uYesu ngomselgenzi wokushumayela owawumele wenziwe ‘ekuphelisweni kwephakade eli’?
7 Kwisiprofeto sakhe esingeziganeko ezaziya kwenzeka ‘ekuphelisweni kweli phakade,’ uYesu wathi: “Zaye ezi ndaba zilungileyo zobukumkani ziya kuvakaliswa kulo elimiweyo liphela, zibe bubungqina kuzo zonke iintlanga; kwandule ke ukufika ukuphela.” (Mateyu 24:3, 14) Okanye, kunjengokuba kuchazwe kuMarko 13:10 kwathiwa: “Kumele ukuthi ke ukuqala kuvakaliswe iindaba ezilungileyo ezi kuzo zonke iintlanga.”—Bona kwaneSityhilelo 14:6, 7.
8. (a) Zaquka ntoni iindaba ezilungileyo ngexesha labapostile? (b) Siquka ntoni isigidimi seendaba ezilungileyo namhlanje?
8 Kule ‘mihla yokugqibela,’ iindaba ezilungileyo zoBukumkani ziquka okungakumbi kunokuba kwakunjalo ngexesha laxa uYesu wayesemhlabeni. UYesu wavakalisa ukuba uBukumkani babusondele, etsalel’ ingqalelo kwisibakala sokuba wayephakathi kwabantu njengoMesiya noKumkani. (2 Timoti 3:1; Mateyu 4:17; Luka 17:21) Iindaba ezilungileyo ezavakaliswa ngamaKristu okuqala zaquka umbandela ongokuvuka nokunyukela kukaYesu emazulwini, yaye zakhuthaza abalulamileyo ukuba babe nokholo kuBukumkani obuzayo. (IZenzo 2:22-24, 32; 3:19-21; 17:2, 3; 26:23; 28:23, 31) Ngoku ekubeni sifikelele ‘ekuphelisweni kwephakade eli,’ ukushunyayelwa kweendaba ezilungileyo zoBukumkani kuquka isigidimi esichulumancisayo sokuba uBukumkani bumiselwe emazulwini.—ISityhilelo 11:15-18; 12:10.
Ngoobani Abaya Kushumayela Iindaba Ezilungileyo?
9. (a) Bambi banokuyiphikisa njani into yokuba ukushumayela iindaba ezilungileyo akuyomfanelo yawo onke amaKristu namhlanje? (b) UYehova wasebenzisa bani kwixesha elidluleyo ukushumayela ilizwi lakhe, ibe oku kuthetha ntoni kuthi namhlanje?
9 Ngoobani, namhlanje, abafanele babe nesabelo kumsebenzi wokushumayela? Ngokucacileyo, iNgqobhoko inoluvo lokuba le asiyomfanelo yomntu wonke, yaye kuyinyaniso ukuba xa uYesu wathi kwakuya kuvakaliswa iindaba ezilungileyo, akazange akhankanye ukuba ngoobani na ababeya kwenza lo msebenzi. Noko ke, ngoobani abanye uYehova abengabasebenzisa ukwenza lo msebenzi ingengabo abo banokholo kwiLizwi lakhe nasebeqalisile ukulisebenzisa kuOOmi babo? Xa ngemihla kaNowa uYehova wazimisela ukuba alumkise ihlabathi loluntu elingendawo ngentshabalaliso eyayisiza, wasebenzisa indoda ‘eyahamba noThixo.’ (Genesis 6:9, 13, 14; 2 Petros 2:5) Xa wathi wafuna ukuba izigidimi zesiprofeto zidluliselwe kumaSirayeli, wathumela ‘abakhonzi bakhe, abaprofeti.’ (Yeremiya 7:25; Amosi 3:7, 8) Uhlanga oluzahluleleyo lukaSirayeli lwaluluhlanga olungamangqina akhe. (Eksodus 19:5, 6; Isaya 43:10-12) Ewe, uYehova usebenzisa abakhonzi bakhe abazahluleleyo njengamangqina akhe.
10. Kumazwi kaMateyu 28:19, 20 inokubonwa njani into yokuba umyalelo wokwenza abafundi ubhekisela kuwo onke amaKristu?
10 Bambi baye bathi umyalelo wokwenza abafundi, onikelwe kuMateyu 28:19, 20, wanikelwa kubapostile kuphela yaye ke ngoko awusebenzi kumaKristu xa ewonke. Kodwa phawula okwathethwa nguYesu: “Hambani ngoko niye kuzenza abafundi zonke iintlanga, . . . nibafundisa ukuba bazigcine zonke izinto endiniwisele umthetho ngazo.” Abalandeli bakaYesu babemele bafundise abafundi abatsha ukuba bazigcine zonke izinto uYesu awayeziyalele. Ibe enye yezinto awayeziyalele ‘yayikukuya kwenza abafundi.’ Ngokuqinisekileyo, bonke abafundi abatsha kwakuya kufuneka befundiswe ukuba bawugcine nalo myalelo ukhethekileyo.
11. (a) Yiyiphi imbopheleleko elalinayo ibandla lamaKristu lenkulungwane yokuqala? (b) Yintoni efunekayo ukuze ubani asindiswe, ibe loo nto iquka ntoni?
11 Ibandla lamaKristu lenkulungwane yokuqala labizwa ngokuba ‘lingabantu abayinqobo [bakaThixo] ukuze bavakalise isigidimi salowo wababizayo ukuba baphume ebumnyameni, ban gene ekukhanyeni kwakhe okungummangaliso.’ (1 Petros 2:9) Amalungu alo abunikela ngenzondelelo ubungqina obungoBukumkani bukaThixo. (IZenzo 8:4, 12) Bonke “abangcwele,” amaKristu athanjisiweyo, ababeseRoma baxelelwa ukuba ‘umntu uvuma ngomlomo ukuze asindiswe’ nokuba “bonke abasukuba belinqula igama leNkosi bosindiswa.” (Roma 1:7; 10:9, 10, 13) Oku kuvuma ngomlomo ukuze usindiswe, okwenziwa xa ubani ebhaptizwa, kukwaquka ukushumayela ekuhleni iindaba ezilungileyo zoBukumkani buka Yehova.
12, 13. (a) Kuquka ntoni ‘ukulubamba uvumo lwethu lwethemba’ olukhankanywe kumaHebhere 10:23? (b) INdumiso 96 iyibonisa njani imfuneko yokuvuma ekuhleni ngaphandle ebandleni, yaye ISityhilelo 7:9, 10 sikuxhasa njani oku?
12 Umpostile uPawulos wabhalela amaKristu angamaHebhere oku: “Silubambe uvumo lwethu lwethemba, lungabi nakuxengaxenga; kuba uthembekile lowo wabeka ngedinga.” (Hebhere 10:23) Oku kuvuma ngomlomo akupheleliselwanga nje kwiintlanganiso zebandla. (INdumiso 40:9, 10) KwiNdumiso 96:2, 3, lo siwubona ngokucacileyo umyalelo osisiprofeto wokuba kushunyayelwe ngaphandle ebandleni, ezintlangeni, ngala mazwi: “Shumayelani iimini ngeemini iindaba ezilungileyo zosindiso lwakhe. Balisani ezintlangeni uzuko lwakhe, balisani ezizweni imisebenzi yakhe ebalulekileyo. Yithini ezintlangeni, UYehova ngukumkani.” Eneneni, kuMateyu 28:19, 20 nakwiZenzo 1:8, uYesu wayalela amaKristu ukuba ashumayele ezintlangeni.
13 Oku kushumayela ekuhleni kubhekiselwa kuko kumazwi alandelayo kaPawulos awawabhalela amaKristu athanjisiweyo angamaHebhere: “Ngoko masithi ngaye sinyuse ngamaxesha onke kuye uThixo umbingelelo wendumiso, oko kukuthi, isiqhamo somlomo olivumayo [olivakalisa ekuhleni, NW] igama lakhe.” (Hebhere 13:15) Kwincwadi ye,Sityhilelo “isihlwele esikhulu,” esihlanganiswa siphuma kuzo zonke iintlanga, sikwabonwa sidanduluka ngezwi elikhulu sisithi: “Usindiso kuye uThixo wethu, lowo uhleli phezu kwetrone, nakuyo iMvana!” (ISityhilelo 7:9, 10) Ngaloo ndlela, kweli xesha lokupheliswa kwephakade eli, ukushunyayelwa kweendaba ezilungileyo kwenziwa ngamaNgqina kaYehova azahluleleyo, intsalela yabazalwana bokomoya bakaKristu namaqabane ayo anjengezimvu abumba “isihlwele esikhulu.” Kodwa bamele bawenze njani kanye kanye lo msebenzi?
“Ekuhleni Nakwizindlu Ngezindlu”
14. UYesu washumayela phi, yaye nguwuphi umgaqo esinokuwufunda koku?
14 UYesu washumayela ngqo ebantwini. Ngokomzekelo, sifunda ukuba washumayela ezindlwini zesikhungu. Kwakutheni? Kungenxa yokuba abantu babehlanganisana apho ngeSabatha baze baphulaphule ukufundwa nokuxutyushwa kweZibhalo. (Mateyu 4:23; Luka 4:15-21) UYesu wakwashumayela kubantu ecaleni kwendlela, ngaselwandle, entabeni, kwiqula elalingaphandle komzi nakumakhaya abantu. Naphi na apho kwakukho abantu, uYesu wayebashumayeza.—Mateyu 5:1, 2; Marko 1:29-34; 2:1-4, 13; 3:19; 4:1, 2; Luka 5:1-3; 9:57-60; Yohane 4:4-26.
15. (a) Yiyiphi imiyalelo uYesu awayinika abafundi bakhe xa wabathuma ukuba baye kushumayela? (b) Bambi abagqabazi ngeBhayibhile baye bakucacisa njani oku?
15 Xa uYesu wathuma abafundi bakhe ukuba baye kushumayela, wakwabathumela ngqo ebantwini. Oku kubonwa kwimiyalelo yakhe ebhalwe kuMateyu 10:1-15, 40-42. Kwindinyana yell wathi: “Emzini ke enithe nangena kuwo, nokuba kusemzaneni, ize nibuzise ukuba ngubani na kuwo ofanelekileyo; nihlale ke khona apho nide nimke.” IThe Jerusalem Bible le ndinyana iyichaza ngale ndlela: “Buzani uthile othembekileyo, ” ngokungathi abafundi babemele babuze umntu othile obalaseleyo okanye onolwazi kuloo mzi ukuze bafumanise lowo wayedume kakuhle aze ngaloo ndlela abe ngosifanelekeleyo isigidimi. (Bona kwane Weymouth neKing James Version.) The le yingcaciso bambi abagqabazi ngeBhayibhile abayinikelayo ngendinyana ye-11.
16. Kukuwaqwalasela ngayiphi indlela enyaniseke ngakumbi amazwi kaYesu akuMateyu 10:11 esinokuthi sifumanise indlela abapostile ababemele babafune ngayo abafanelekileyo?
16 Noko ke, kumele kukhunjulwe ukuba ubukhulu becala, abefundisi beNgqobhoko abayi kwindlu ngendlu, yaye abagqabazi ngeBhayibhile abaninzi batyekele ekuzicaciseni iZibhalo ukuze zivisisane noko bakwenzayo. Xa siwuqwalasela ngokunyaniseke ngakumbi umyalelo kaYesu sifumanisa ukuba wayethetha ngokuba abafundi bakhe babemele bafune umntu ngamnye, enoba kukwindlu ngendlu okanye ekuhleni, baze banikele kuye isigidimi soBukumkani. (Mateyu 10:7) Ukusabela kwabo kwakuya kubonisa ukuba babengabafanelekileyo na okanye kwakungenjalo.—Mateyu 10:12-15.
17. Yintoni ebonisa ukuba abafundi bakaYesu babengatyeleli nje abantu abafanelekileyo ngenxa yokunconyelwa okanye ukumiselwa?
17 Oku kubonwa kumazwi kaYesu akuMateyu 10:14 athi: “Nothe akawamkela, akaweva amazwi enu, nakuphuma kuloo ndlu nakuloo mzi, vuthululani uthuli lweenyawo zenu.” UYesu wayethetha ngokuya kwabafundi bakhe ebantwini bengamenywanga ukuya kushumayela kubo. Kuyinyaniso ukuba, babeya kuyamkela nendawo yokuhlala abayinikwa ngomnye wabaninimzi oye wasamkela isigidimi. (Mateyu 10:11) Kodwa into eyayingundoqo yayingumsebenzi wokushumayela. KuLuka 9:6 kuthiwa: “Bephumile ke, bayihambahamba imizana, bezishumayela iindaba ezilungileyo, bephilisa ezindaweni zonke.” (Bona kwanoLuka 10:8, 9.) Abafanelekileyo ababebamkela njengabaprofeti abafundi kumakhaya abo, mhlawumbi bade babaphe ‘indebe yamanzi abandayo’ okanye babanike neendawo zokuhlala, babengayi kuphulukana nomvuzo wabo. Babeya kusiva isigidimi soBukumkani.—Mateyu 10:40-42.
18, 19. (a) NgokweZenzo 5:42, amaKristu okuqala awenza njani umsebenzi wawo wokushumayela? (b) Amazwi kaPawulos akwiZenzo 20:20, 21 abonisa njani ukuba wayethetha ngobulungiseleli kwabangakholwayo, kungekhona umsebenzi wangaphakathi wokwalusa?
18 Emva kokusekwa kwebandla lamaKristu, sifunda oku mayela nabapostile: “Kananjalo imihla yonke etempileni, nasemakhaya [nakwizindlu ngezindlu, NW], babengayeki ukufundisa nokushumayela iindaba ezilungileyo zokuba uYesu unguye uKristu.” (IZenzo 5:42; bona umbhalo osemazantsi kwiReference Bible.) NgesiGrike ibinzana eliguqulelwe ngokuthi “kwizindlu ngezindlu” ngukat’ oiʹkon. Apha uka·taʹ ukwimo yokwaba. Ngenxa yoko, kunokuthiwa ukushumayela kwabafundi kwakusabiwa kwizindlu ngezindlu. Babengenzi nje amatyelelo eembutho awayelungiselelwe kwangaphambili. Ukusetyenziswa ngendiela efanayo kukaka·taʹ kufunyanwa kuLuka 8:1 kumazwi athi “imizi ngemizi nemizana ngemizana.”
19 KwiZenzo 20:20 umpostile uPawulos usebenzisa ibinzana elikwalinye kwisininzi, ukat’ oiʹkous. Apho wathi: “Andinifihlelanga nto, . . . ndanifundisa ekuhleni nakwizindlu ngezindlu.” Kwezinye iinguqulelo ibinzana elithi “kwizindlu ngezindlu” liguqulelwe ngokuthi “emakhayeni enu.” Ngoko bambi abagqabazi ngeBhayibhile beNgqobhoko bathi apha uPawulos ubhekisela kumatyelelo okwalusa kumakhaya abantu abakholwayo. Kodwa amazwi kaPawulos alandelayo abonisa ukuba wayethetha ngobulungiseleli kwabangakholwayo, kuba uthi: “Ndiqononondisa kumaYuda nakumaGrike ukuguqukela kuThixo, nokukholwa kuyo iNkosi yethu uYesu Kristu.”—IZenzo 20:21.
20. (a) AmaNgqina kaYehova iindaba ezilungileyo zoBukumkani azishumayele ukusa kuwuphi umkhamo kwixesha lethu? (b) Bambi basenokuwujonga njani umbandela wokuhlala ushumayela?
20 Ngoko ke, le ndlela yokufikelela abantu ifanele isetyenziswe kwixesha lethu apho “iindaba ezilungileyo zobukumkani” zimele ‘zivakaliswe kulo elimiweyo liphela zibe bubungqina kuzo zonke iintlanga.’ (Mateyu 24:14) Kangangeminyaka engaphezu kwama-65, amaNgqina kaYehova ebezishumayela ngenzondelelo iindaba ezilungileyo zoBukumkani bukaThixo obumiselweyo esenjenjalo ekuhleni nakwizindlu ngezindlu—ngoku azishumayela kumazwe angama-210. Obunjani bona ukuzuka ubungqina obuphunyezwayo! Ibe oku kwenziwa phezu kwaso nje isibakala sokuba inkoliso yabantu namhlanje isiva isigidimi “ngeendlebe ezithe nkqi,” kanti bambi besicaphukela. (Mateyu 13:15) Kutheni amaNgqina kaYehova ezingisa ukushumayela kwiindawo apho abantu bangavumiyo ukuphulaphula okanye bade bawachase? Lo mbuzo uya kuphendulwa kwinqaku elilandelayo.
Ubungaphendula Uthini?
◻ IZibhalo zibonisa ukuba yintoni eyayibalulekile kubulungiseleli bukaYesu?
◻ Luluphi ulwalathiso olwanikwa abapostile kubulungiseleli babo?
◻ Nguwuphi umsebenzi omele wenziwe kwixesha lethu, yaye ngoba?
◻ Ngoobani abangasetyenziswa nguYehova ekushumayeleni iindaba ezilungileyo kumhla wethu?
◻ Umsebenzi wokushuma¥.ela umele uphunyezwe phi yaye njanl?