Miravoravoa Amy Fiaignana Tsisy Farany eto An-tany!
Natao pirinty ity bokihely ity beky hagnampiagna anao hahay azôvy marigny nagnamboatra tany ndraiky raha jiaby aminany eo. Hianaranao fa managna agnaragna Zagnahary nagnamboatra tany. Hohazavainay ato koa antony nagnanaovan-Jagnahary olo, ndraiky fômba ahafahanao miravoravo amy fiaignana tsisy farany eto an-tany.
Magnantena zahay fa sary maro be irô hagnampy anao hieritreritry tsarabe, irô raha jiaby irô. Beky hahazahoa-nao tombony maro be, tôkony hovakinao andinin-teny ao amy Baiboly voavolagna ankilan’ny ankamaroan-drô sary irô. Amy zegny, anao fo hamaky irô raha tsara ampagnantignain-Jagnahary amy Baiboly ao. Hovakinao ao koa raha irahin’ny Zagnahary ataonao beky hahazahoagna zegny.
Mety ho tianao koa hampiasa ity bokihely ity beky hagnampiagna olo hafa. Izikoa anao managna zanaka, azonao ampiasaigna izy ity beky hagnampiagna irô hianatra mikasiky Zagnahary. Izikoa anao mipetraka agny amy tany misy olobe maro tsy mahay taratasy, anao afaka mampiasa irô sary irô beky hagnampiagna olo regny. Ho haindrô amy zegny fikasan-Jagnahary, boaka iô, ho afaka hagnampy olo hafa koa irô.
Magnantegna ankitigny izahay fa izikoa mianatra ity fagnazavagna ity anao, hahazo fitahiagna maro be. Boaka iô, anao foeky hagnaboaka amy hafa fômba hahavelogno tsisy farany eto an-tany.