FIZARAN̈A 14

Karakory ma Tsy Mivadiky amy Jehovah Zen̈y?

Fidiana Zan̈ahary. 1 Petera 5:6-9

Kristianin̈y araiky tsy man̈eky han̈ano raha misy ifandraisany amy fivavahan̈a diso na raha momba politiky

Aza man̈eky han̈ano raha tsy fan̈araka amy Baiboly. Tsy mora man̈ano zen̈y, fa io vitanao fo.

Koa olo araiky man̈ano politiky, izy tsy manohan̈a Fanjakan̈any Jehovah. Zen̈y mahavy anao tsy kontiny hiditry amy politiky.

Fidiana ny tsara. Tandrin̈esa Zan̈ahary. Matio 7:24, 25.

Lelahy araiky man̈aton̈o fivorian̈a amy Tran̈o Fivorian̈a, baka io izy mianatra Baiboly amy Vavolombelon̈o Jehovah

Mandihana mivory miaraka amy Vavolombelon̈o Jehovah. Iro han̈ampy anao han̈aton̈o Zan̈ahary.

Tohiza fianaranao Baiboly. Mifen̈a man̈araka volan̈a Zan̈ahary.

Lelahy araiky manokanten̈a amy Jehovah, baka io izy natao batisa

Finoan̈anao koa fa fatatra tsarabe, anao mila manokanten̈a amy Jehovah ndreky atao batisa.—Matio 28:19.

Tandrin̈esa Zan̈ahary. Vakia Baiboly. Izikoa misy raha tsy mazava aminao, man̈ontania Vavolombelon̈o Jehovah. Areva raha nianaranao. Koa anao man̈ano zen̈y, hahazo fiain̈ana tsisy farany.—Jaona17:3.