Tombontsoantsika Man̈orin̈y Ndreky Mikobaby Tran̈o Fivorian̈a

Fiasan̈a tempoly ta Israely tan̈y ten̈a nilan̈a asa ndreky fandanian̈a mare. Fa ndray tio raha zen̈y, iro mbala von̈ono fo nan̈ano asa io tamy fondro jiaby. (1Ta 29:2-9; 2Ta 6:7, 8) Koa fa vita tempoly io, fomba nikarakarandro Israelita aby io izio nahitan̈a fa iro ten̈a tia Jehovah na tsy tia izy tsarabe. (2Mp 22:3-6; 2Ta 28:24; 29:3) Kristianin̈y maro aminandra izioty koa mandany fotoan̈a ndreky fanan̈ana miasa, man̈adio ndreky mikobaby Tran̈o Fivorian̈a ndreky Tran̈o Fan̈anovan̈a Fivoriambe. Tombontsoa maventy zen̈y, fotony atsika miaraka miasa amy Jehovah, baka io koa izio mbala an̈isany fanompoan̈a masin̈y.—Sl 127:1; Ap 7:15.

TY ABY RAHA METY ATAO:

• 

  Man̈adio isaka ravan̈a fivorian̈a. Izikoa ndraiky anao tsy afaka, anao mety mitsimpin̈y fako man̈odidin̈y sezinao.

• 

  Isaka misy fandaharan̈a fan̈adiovan̈a ndreky fikobabian̈a Tran̈o Fivorian̈a, miaraha amindro man̈ano izio. Mamparavoravo izikoa maro olo avy, baka io koa mba mahivankivan̈a asa.—lv 92-93 § 18..

• 

  Man̈amia vola zay tindrinao. Ndray ‘vola madiniky aroe’ fo efa mamparavoravo Jehovah.—Mr 12:41-44.

• 

  Miasa antsitrapo man̈amboatra ndreky man̈avao tran̈o ampiasain̈y amy fivavahan̈a marin̈y. Tsy an̈isany raha takin̈y amizio fahaizan̈a miasa tran̈o.