FOMBA FIAIN̈ANA KRISTIANIN̈Y

Raisa Tsara Vahinintsika aby Io

Amy 23 Marsy, mety ho 12 tapitrisa na mandilatra zen̈y vahinintsika han̈aton̈o Fahatsiarovan̈a. Pan̈ano kabaro han̈azava raha momba vidipan̈avotan̈a, kado baka amy Jehovah io, ndreky han̈azava hatsaran̈a maro ho azonolombelon̈o baka amizio! (Is 11:6-9; 35:5, 6; 65:21-23; Jn 3:16) Tsy pan̈ano kabaro fo han̈ano raha handraisan̈a iro vahinintsika aby io, fa atsika jiaby koa. (Ro 15:⁠7) Ty misy sosokevitry.

Vavolombelon̈o Jehovah mandray vahiny man̈aton̈o Fahatsiarovan̈a; Vavolombelon̈o Jehovah man̈aboaka toko ndreky andininy baka amy Baiboly amy vahiny man̈aton̈o Fahatsiarovan̈a

Alohany fivorian̈a io manomboko, aza meky mipetraka ndreky mangin̈y fo. Raisa iro olo vo sambany nivory ndreky iro olo efa tsy mitory eky. Tsara atsika mba ravoravo izikoa fa man̈ano mbala tsara iro
Aza varian̈a mikoran̈a aminolo nikahinao navy ao fo fa mba zahava koa olo nirasan̈a taratasy fikahian̈a olo in̈y, navy ao. Indesa mipetraka miaraka aminao iro, baka io ampizahava Baiboly ndreky fihirana
Koa fa vita kabaro, miomàn̈a hamaly fan̈ontanian̈andro. Izikoa mbala hisy fiangonan̈a hafa handimby anaro, ataova fomba hizahavan̈a izy farany malaky. Izikoa anao mbala tsisy adiresinany, volàn̈a karaha ty aminany: “Mba tiako ren̈y hevitrinao momba fivorian̈a tio in̈y. Akory mety hifanojiantsika?”