Aza Voly Miambin̈y Sady Miaritry

Efa rango ombian̈a niambesanao faviany Fanjakan̈any Zan̈ahary? Nahadin̈y niambin̈y ndreky niaritry ma anao ndray nisy raha manahiran̈a? (Ro 8:25) Sasany amintsika io halanolo, ampijalin̈y, migadra. Sasany efa mila hivonenolo foeky! Maro koa marary tsy mety janga, na koa mahaimatoe.

Ino raha han̈ampy atsika ho von̈ono hiambin̈y fo, na ino na ino fitsapan̈a mahazo atsika? Hatanjaka finoan̈antsika izikoa atsika mamaky Baiboly isanandra ndreky misaintsain̈y izio. Atsika mila mifantoko amy fan̈antinan̈antsika fo. (2Ko 4:16-18; He 12:2) Atsika mila miangavy Jehovah amy vavaka ndreky mangataka izy han̈amia fan̈ahy masin̈inany. (Lk 11:10, 13; He 5:7) Vitany Babantsika be fitiavan̈a io han̈ampy atsika ‘hiambin̈y amy fiaretan̈a mare ndreky haravoan̈a.’—Kl 1:11.

ZAHAVA VIDEO “MILA MIARITRY ATSIKA KOA FA MILOMOAY”: MATOKISA FA HO AZONAO LOKA IO, BAKA IO VALIA FAN̈ONTANIAN̈A ABY TY:

• 

  Ino “raha tsy ampoizin̈y” mety hiboaka amy fiain̈anantsika? (Mpto 9:11)

• 

  Nan̈ino vavaka man̈ampy atsika izikoa fa misy raha mitsapa finoan̈antsika?

• 

  Izikoa atsika efa tsy mahavita fanompoan̈a be karaha taloha, nan̈ino atsika mila mifantoko amy raha mbala mety vitantsika?

• 

  Ino man̈ampy atsika hatoky fo fa ho azontsika loka io?