Akory Atao Mampiasa Trakty Hanombohan̈a Koran̈a?

Nanomboko tamy Zanvie 2018, nisy raha mety koran̈iny fo amy Boky Fianaran̈a amy Fivorian̈a Momba Fiain̈anantsika Ndreky Fanompoan̈a. Tanjon̈ontsika hikoran̈a aminolo fa tsy han̈apetraka raha mety vakin̈y fo. Misy video fitorian̈a koa, ahitany pitory akory hampiasan̈a Baiboly fo izikoa fa manomboko koran̈a. Ke dikanizen̈y ma atsika tsy hampiasa raha mety vakin̈y foeky izikoa fa mitory isaka tran̈o? Tsy zen̈y foeky! Ohatra, atsika mety mampiasa trakty izikoa fa manomboko koran̈a. Na ino na ino trakty misy aminao, karaha ty mety hampiasan̈a izy:

1. An̈ontania olo fan̈ontanian̈a ifidianan̈a valiny amy fon̈ony trakty io.

2. Aboaha izy valiny fan̈ontanian̈a io amy Baiboly, amy pazy 2 amy trakty io. Izikoa mbala mahampy fotoan̈a, vakia ndreky iaraha midiniky aminany hevitry sasany an̈atiny trakty io.

3. Amia izy trakty io, baka io ampirisiha izy hamaky lambiny fan̈azavan̈a an̈aty ao, amy fotoan̈a mety aminany.

4. Alohany hialanao izy, aboaha izy fan̈ontanian̈a amy farany trakty io “Tadiava Valiny Fan̈ontanian̈a Ty”, baka io koràn̈a fotoan̈a mety hamalianao izio amy Baiboly amy man̈araka.

Anao koa mimpody aminany, iaraha midiniky aminany fan̈ontanian̈a in̈y, baka io man̈apitraha fan̈ontanian̈a hafa koa hivalin̈y amy man̈araka. Anao mety mangala fan̈ontanian̈a amy tranonkalantsika, na amy boky aboakany amy pazy farany amy trakty io. Amy fotoan̈a ten̈a hitanao mety, anao mety man̈apetraka bokikely Vaovao Tsara Baka amy Zan̈ahary! na boky hafa fianaran̈a Baiboly, amy Fitaovan̈a Fampianaran̈a.