Arova Tokantran̈onao

Voadimpanambadian̈a io amy Jehovah tsy raha kidikidy. Izy nivolan̈a fa olo fivadiany tsy tokony hisaraka foeky. (Mt 19:5, 6) Maro vadian̈anolo manompo Jehovah karaha zen̈y. Fa tsisy vadian̈a lavorary. Tsy maintsy misy problemo fo ao. Atsika tsy tokony hieritreritry hisintaka na hisaraka, karaha volan̈inolo maro, koa fa misy problemo. Ke akory hataonolo fivadiany hiaro tokantran̈ondro?

Misy torohevitry dimy maventy ty:

1. Tandrema fonao amy raha mety handrobaka tokantran̈onao, karaha ataony fangalan̈a diandian̈a misy fitondranten̈a ratsy ndreky misomasoma man̈angy hafa.—Mt 5:28; 2Pe 2:14.

2. Ankafatara fihavan̈anaro amy Zan̈ahary, avio ampitombosa fitiavanaro hamparavoravo Jehovah amy tokantran̈onaro.—Sl 97:10.

3. Mifen̈a fo misikiny toetry vaovao, ke man̈anova raha madinidiniky an̈aboahanao amy vadinao fa anao tsara fan̈ahy aminany ndreky mampahivankivan̈a fiain̈ananany.—Kl 3:8-10, 12-14.

4. Mifan̈ajà fo koa fa mikoran̈a.—Kl 4:6.

5. Aboaha fa anao ten̈a tia vadinao izikoa fa man̈ano adidy amimbady.—1Ko 7:3, 4; 10:24.

Man̈aja Jehovah Pamoron̈o vadian̈a io olo fivadiany izikoa man̈aja tokantran̈ondro.

ZAHAVA VIDEO MILA MIARITRY ATSIKA KOA FA MILOMOAY—AREHA FITSIPIKY MIFEHY IZIO AVIO TADIAVA VALINY FAN̈ONTANIAN̈A ABY TY:

• 

  Ndray mety ho tsara fanombohan̈a tokantran̈o io, ino aby raha sarotro mety handalo?

• 

  Akory an̈ampiany toro lalan̈a Baiboly olo fivadiany izikoa iro mahita fa efa tsisy fitiavan̈a eky an̈atiny tokantran̈ondro?

• 

  Ino fitsipiky napetraka Jehovah momba vadian̈a?

• Ino raha mila ataonolo fivadiany baka ho sambatra tokantran̈ondro?