Mersy Jehovah Ndreky Jesosy amy Fan̈afahan̈a Aminy Amaray

Ino raha manahiran̈a anao isanandra? Familoman̈a fianakavian̈anao? Sa anao mitaiza manokan̈a? Sa anao mbala pianatra ke kotran̈iny tsaiky a lekoly an̈y? Sa anao tsy salama na efa mahaimatoe? Olo samy amy raha manahiran̈a izy. Misy koa iro problemo aby io mifanesisesy. Fa atsika ndraiky mahay fa tsy ho ela hadosony Jehovah raha jiaby zen̈y.—2Ko 4:16-18.

Fa izioty Jehovah efa mankahery atsika, fotony hainy raha mahazo atsika. Ravoravo izy mahita atsika tsy mivadiky ndreky miaritry, avio izy hitahy atsika. (Je 29:11, 12) Jesosy koa mijery atsika. Ke atsika koa fa man̈ano andraikitrintsika tsarabe, izy man̈amia toky atsika: ‘Zaho ankilanao.’ (Mt 28:20) Hitombo fatokisantsika raha antinaintsika izikoa atsika mangala onon̈o fahafahan̈a ho azontsika lera Fanjakan̈any Zan̈ahary mitondra. Hahaitapakevitry tsy hivadiky ndreky hiaritry fo koa atsika.—Ro 8:19-21.

ZAHAVA VIDEO ARAKARAKA MAMPARIKITRY ANDRA RATSY IO, ATAOVA AN̈ATY JERY FO JESOSY!—HATSARAN̈A HINDESINY FANJAKAN̈ANY ZAN̈AHARY AVIO TADIAVA VALINY FAN̈ONTANIAN̈A ABY TY:

• Karakory nahavy olombelon̈o nanjary tsy nihavan̈a tamy Zan̈ahary eky, avio ino vokany?

• Ino aby hatsaran̈a ho azonolo tsy mivadiky amy Jehovah?

• Ino nahavy raha jiaby zen̈y ho tanteraka?

• Ino aby hatsaran̈a tianao ho azo amy donia vaovao?