Asa Anao Efa Mioman̈a amy Fahatsiarovan̈a?

Ten̈a nisy dikany maventy Pasky farany hataony Jesosy. Efa tsy ela hivonen̈a izy tamy zen̈y, ke izy nan̈oman̈a fihinanan̈a Pasky niaraka taminy apostolinany. Namoron̈o fankalazan̈a vaovao na Sakafo Harivany Tompo, hatao isaka taon̈o izy taminio. Ke izy nan̈iraka Petera ndreky Jaona hikarakara tran̈o han̈anovan̈a izio. (Lk 22:7-13; zahava sary amy fon̈ony boky fianaran̈a ty.) Raha zen̈y mampatsiaro atsika fa mila mioman̈a koa atsika amy Fahatsiarovan̈a hatao amy 27 Marsy io. Fiangonan̈a efa mila mandamin̈y azovy han̈ano kabaro ndreky azovy hikarakara mofo ndreky divain, ndreky raha hafa koa. Ke ino fo raha mety hataontsika tsiaraikiaraiky, hiomanan̈a amy Fahatsiarovan̈a?

Omàn̈a Tsarabe Fonao. Vakia ndreky saintsain̈a andininy natao hivakin̈y amy Fahatsiarovan̈a amy Fandinihana ny Soratra Masina Isan’andro ndreky amy bokikely Fitaovan̈a Fianaran̈a Soratra Masin̈y. (Zahava koa Boky Fianaran̈a amy Fivorian̈a Momba Fiain̈anantsika Ndreky Fanompoan̈a Avrily 2020.) Tsara dinihiny fianakavian̈a amy fotoampivavahan̈a koa nan̈ino raha ten̈a maventy vidipan̈avotan̈a io. Zahava Fanondroana Bokin’ny Vavolombelon’i Jehovah na Fitaovana Fikarohana ho An’ny Vavolombelon’i Jehovah.

Kahia Olo. Mifen̈a man̈ano erakany vitanao aminy ezaka manokan̈a handrasan̈a ainvitasion io. Iritrireta azovy aby olo mety kahinao, karaha ataony fiveren̈ana mitsidikinao, olo efa navy nampianarinao Baiboly taloha, jiraninao, ndreky havanao. Antipan̈ahy tokony hikaiky lan̈iany olo efa tsy mitory eky. Aza adin̈a koa fa ndray olo amy tany hafa mbala mety han̈ambaranao fo. Midira amy jw.org amy pazy fandraisan̈a, avio kitia RAHA MOMBA ZAHAY amy farany an̈abo amizio, avio kitia “Fahatsiarovan̈a.”

Ino koa raha mbala mety hataontsika hiomanan̈a amy Fahatsiarovan̈a?