Ino Tanjon̈onao amy Vanimpotoan̈any Fahatsiarovan̈a?

Isaka taon̈o, efa tsy din̈iny vahoakany Jehovah fiarahan̈a mankalaza Fahatsiarovan̈a. Izikoa fa herin̈iandra vitsivitsy alohany Fahatsiarovan̈a ndreky afaranizio, atsika manan̈a fahafahan̈a hidera Jehovah ndreky hankasitraka izy nan̈amia vidipan̈avotan̈a. (Ef 1:3, 7) Ohatra, atsika mifen̈y mare mikaiky olo han̈aton̈o Fahatsiarovan̈a. Sasany mety man̈amboatra fotoan̈a, baka ho afaka han̈ano pisava lalan̈a pan̈ampy, ke hanakatra 30 na 50 lera, amy Marsy na Avrily. Asa mba tianao hampitombo lera anompoanao, amy vanimpotoan̈any Fahatsiarovan̈a io? Ino raha han̈ampy anao hahavita zen̈y?

Matetiky atsika koa fa man̈amboatra programo tsialohaloha, ho vitantsika izio. (Oh 21:5) Izioty fotoan̈a ten̈a tsara han̈anaovan̈a zen̈y, fotony efa marikitry mare vanimpotoan̈any Fahatsiarovan̈a. Diniha ino raha tianao hatao amy fanompoan̈a, lera vanimpotoan̈any Fahatsiarovan̈a, avio zahava raha mila hataonao baka ho takatranao tanjon̈onao io. Angataha amy zay Jehovah hitahy ezakanao.​—1Jn 5:14, 15.

Ino raha sasany iritriretinao hatao, hampitombosanao fanompoan̈anao amy vanimpotoan̈any Fahatsiarovan̈a io?