FOMBA FIAIN̈ANA KRISTIANIN̈Y
Jehovah Mamonjy Olo Kivy
Olo jiaby mahay kivy ndraikindraiky. Fa zen̈y tsy mivolan̈a fa olo koa kivy, dikanizen̈y izy tsy manan̈a finoan̈a. Nata Jehovah nivolan̈a fa mba nalahelo koa fonany. (Ge 6:5, 6) Fa izikoa ndraiky hakivian̈a io matetiky mahazo anao, avio karaha fa tsy mety miala, ino hevitry?
Mivavaha, angataha Jehovah han̈ampy anao. Hitany Jehovah atsika koa miasaloha mare ndreky malemy troko mare. Hainy fo izikoa atsika ravoravo na malahelo. Tsy vaovao aminany izikoa atsika tafieritreritry na tafan̈ano raha tsy ao tsarabe amy fotoan̈anizin̈y. (Sl 7:9b) Fa ny raha farany maventy, Jehovah mikarakara atsika ndreky man̈ampy atsika lera atsika kivy ndreky malahelo mare in̈y.—Sl 34:18.
Arova sain̈inao. Atsika koa kivy, tsy ho ravoravo atsika, ke mety hisy vokany amy fihavan̈antsika amy Jehovah raha io. Zen̈y antony mahavy atsika mila miaro fontsika.—Oh 4:23.
ZAHAVA VIDEO AFAKA MAHITA FIADAN̈ANA FO IRO RAHALAHINTSIKA ABY IO NDRAY IÔ HAKIVIAN̈A AVIO TADIAVA VALINY FAN̈ONTANIAN̈A ABY TY:
Ino aby raha nataony ranabavy Nikki baka izy nahavita niatriky hakivian̈anany?
Nan̈ino Nikki tontohitry fa mila mandeha dokotera izy?—Mt 9:12
Akory nan̈aboahany Nikki fa izy natoky Jehovah han̈ampy izy?