Ampiasà “Fan̈amezan̈a Ara-pan̈ahy” Azonao

Mahazo fankahirezan̈a atsika izikoa fa miaraka amindrô rahalahy ndreky anabavintsika kristianin̈y aby io. Fa baka hankahery tsarabe fotoan̈a iarahantsika amindrô, mbala misy raha hafa mila ataontsika. Baiboly mikoran̈a momba “fan̈amezan̈a ara-pan̈ahy.” Dikan’izio, atsika samy atsika afaka mifankafatatra finoan̈a. (Rom. 1:11, 12) Akôry mety ampiasaintsika tsarabe kadô io?

Ataova mankahery olo raha volan̈inao. Ohatra, atsika koa fa man̈amia valin-teny amy fivorian̈a, atsika tsy mifantoko loatra amin’ny ain̈intsika, fa amy Jehovah, amy Volan̈anany, baka iô amy vahoakanany. Atsika koa fa mikoran̈a miaraka amy mpiara-manompo, atsika afaka mikoran̈a raha hankafatatra finoan̈andrô.

Ataova mankahery olo fanapahan-kevitrinao ndreky raha ataonao. Ohatra, olo sasany mbala man̈ano fanompoan̈a manontolo andra fo, ndray irô miatriky raha sarotro amy fiain̈anandrô. Sasany ndraiky mbala man̈aton̈o fivorian̈a andavanandra fo, ndray irô efa kajo mare baka niasa, na koa taizan’ny aretin̈y.

Anao ma mankahery irô rahalahy ndreky anabavinao aby io, baka amy raha volan̈inao ndreky ataonao? Mba hitanao ma fan̈amezan̈a ara-pan̈ahy na raha volan̈indrô ndreky ataondrô hankahirezan̈a anao?