Fizaran̈a 5

Rango Tamy Figadran̈a ta Babylona Zisk’amy Fan̈amboaran̈a Lakoro Vaton’i Jerosalema

Israelita aby io koa fa nigadra ta Babylona, maro raha nitsapa finoan̈an-drô. Sadraka, Mesaka ndreky Abednego natsipy tan̈aty lafaoro may, kanefa Zan̈ahary niaro irô, ke irô tsy naty. Tafaran’ny Medianin̈y ndreky Persianin̈y nandresy Babylonianin̈y, Daniela natsipy tamy lavaka lion. Zan̈ahary niaro izy, ke izy tsy lanin’ny lion.

Farany, Israelita aby io navôsotro Kyrosy ampanjakan’i Persia. Irô nimpody tamy tanin-drô, 70 taon̈o tafaran’irô nindesin̈y ta Babylona in̈y. Irô koa fa tafimpody ta Jerosalema, niasa tempolin’i Jehovah raha voanalohany nataon-drô. Maro fahavalo nila hampijanon̈o asan-drô io. Ke 22 taon̈o tafaran’ny navian-drô ta Jerosalema, tempoly io vo vita.

Atsika mbala hianatra fa 47 taon̈o nivitan’ny tempoly, Ezra nan̈ano diabe nimpody ta Jerosalema, hankatsara tempoly io. Nehemia nitatahy irô han̈amboatra lakoro vaton’i Jerosalema, 13 taon̈o tafaran’ny diabe io. Fizaran̈a FAHADIMY ty mitantara raha nandalo tan̈atin’ny 152 taon̈o.