Karakory ma Atao Mikobaby Tran̈o Fivorian̈a?

Tran̈o jiaby fivoriany Vavolombelon̈o Jehovah man̈amia voninahitry an̈aran̈a Zan̈ahary. Fikobabian̈a Tran̈o Fivorian̈a io mbala an̈isany fanompoan̈a Zan̈ahary. Zen̈y mahavy atsika mila mazoto man̈ano raha mampadio ndreky mampatsara Tran̈o Fivorian̈a.

Mamafa isaka fivorian̈a ravan̈a. Isaka vita fivorian̈a, zahay mifandimby mamafa tran̈o baka nivorian̈a. Indraiky isaka herin̈andra koa, misy famafan̈a an̈aty ndreky ambelan̈a Tran̈o Fivorian̈a. Misy olobe amy fiangonan̈a na pan̈ampy amy fanompoan̈a araiky miandraikitry izio. Iro efa misy taratasy misy raha jiaby mila diovin̈y. Mamafa tran̈o, lafenaitara, varavaran̈a, man̈ano pasifon, man̈osotro lasira, miborosy tran̈o, mamafa kabone, mamafa lakoro jiaby. Ndray tsaiky madiniky efa amian̈a asa izikoa fa mamafa karaha io, fotony iro koa ampianarin̈y man̈aja Tran̈o Fivorian̈a.—Mpitoriteny 5:1.

Mifan̈ampy koa fa misy raha robaka. Isaka taon̈o, misy olo mizaha raha robaka an̈aty ndreky ambelan̈a Tran̈o Fivorian̈a. Izikoa maharaka man̈ano karaha zen̈y, vola tsy lany, Tran̈o Fivorian̈a tsara fo. (2 Tantara 24:13; 34:10) Tran̈o anompoan̈a Jehovah tokony ho madio ndreky voakarakara. Zen̈y koa ahitan̈a fa zahay ten̈a tia Jehovah ndreky tia tany anompoan̈a izy. (Salamo 122:1) Mahagaga olo koa mahita tran̈o fivavahanay madio.—2 Korintianina 6:3.

• Nan̈ino ma atsika mikarakara tran̈o ivorian̈a?

• Ino aby ma raha atao baka Tran̈o Fivorian̈a madio fo?