Ino aby ma Raha Misy Aminy Adiresinay amy Internet?

Jesosy nivolan̈a tamy pianatranany fa iro mila man̈ano ‘asa tsara’, baka olo han̈amia voninahitry Zan̈ahary. (Matio 5:16) Baka zahay mahavita asa tsara io, zahay man̈araka fandrosoan̈a misy aminandra izioty, an̈atinizen̈y Internet, ke www.pr418.com adiresinany io. Ao misy fan̈azavan̈a raha inoanay ndreky asanay. Ino aby ma raha mety ho hitanao ao?

Ao misy valiny fan̈ontanian̈a maro baka amy Baiboly: Aminy adiresy io ahitanao valiny fan̈ontanian̈a maro ­manahiran̈a jerinolo. Ohatra, ao misy trakty Jaly io ma Mbala ho Afaka? ndreky Olo maty ma Mbala ho Velon̈o?, amy volan̈a mandilatra 600 karazany. Ao koa misy Baiboly ­Fandikan-tenin’​ny Tontolo Vaovao amy volan̈a mandilatra 130 karazany ndreky boky fianaran̈a Baiboly karaha ataony Ino ma Raha Ten̈a Ampianariny Baiboly? Misy Tilikambo Fiambenana ndreky Mifohaza! koa ao. Maro amy boky aby io mety vakin̈y na tandrin̈esan̈a, MP3, PDF ndreky EPUB mety alain̈y. Anao mety mandika izio amy taratasy, amianao namanao, amy volan̈anao! Misy fan̈azavan̈a Baiboly ampianaran̈a olo moa koa ao, amy volan̈a maro karazany. Anao koa mety mangala tantara baka amy Baiboly vakin̈y, ndreky tantara baka amy Baiboly somain̈y, ndreky lamoziky maro tsara an̈aty ao.

Vaovao farany momba Vavolombelon̈o Jehovah. Hitanao ao koa vaovao farany mikasiky zahay, video niboaka farany man̈azava mikasiky asa fitorian̈a ataonay ndreky raha ataonay koa fa mamonjy namanay sahiran̈a. Anao koa mety mizaha daty han̈anovanay fivoriambe ndreky raha mikasiky birony sampan̈a.

Baka amizio ahavitanay mikoran̈a aminolo jiaby vaovao tsara, ndray olo mipetraka antany farany lavitry an̈y. Atsika mangataka amy Jehovah, baka hafatranany ho ren̈inolo jiaby ambony tany eto.—2 Tesalonianina 3:1.

• Ino aby raha mety hitantsika aminy adiresy www.pr418.com ao?

• Ino fan̈azavan̈a mikasiky zahay tianao ho hita aminy adiresy io?