Jesosy Nanjary Mesia

Jaona efa nitory fa: ‘Ho hisy olo bebenaka ho avy.’ Jesosy koa fa kadiriny 30 taon̈o, izy niala ta Galilia nandeha tamy Ten̈aranony Jordana. Tan̈y Jaona nan̈ano batisa olo. Nirahiny Jesosy han̈ano batisa izy Jaona. Ho Jaona taminany: ‘Aha! Anao edy tokony han̈ano batisa zaho.’ Ho Jesosy: ‘Anao tiany Jehovah han̈ano batisa zaho.’ Ke iro nandeha tamy Ten̈aranony Jordana, najibikiny Jaona tan̈aty rano Jesosy baka tio.

Jesosy koa fa nakatra baka tao, izy nivavaka. Lan̈itry tamy zen̈y nibian̈a, ke nisy fan̈ahiny Zan̈ahary nijotso taminany. Mira pizin̈y raha io. Jehovah amy zay nivolan̈a baka tandan̈itry tan̈y: ‘Anao Zanako ten̈a tiako, zaho mankasitraka anao.’

Nanjary Kristy na Mesia, Jesosy koa fa nahazo fan̈ahiny Jehovah. Han̈ano asa nan̈irahany Jehovah izy tambony teto amy zay izy iziô.

Jesosy vo vita batisa, nandeha tamy tany paiky tan̈y, baka io nidoko tan̈y 40 andra. Izy koa fa nimpody, izy nandeha tamy Jaona tan̈y. Jaona koa fa nahita izy, nivolan̈a karaha ty: ‘In̈y Zanaka Ondrikondriky Zan̈ahary. Izy han̈adoso fahotan̈any donia ty.’ Nivolan̈a zen̈y Jaona, fotony tiany ho hainolo fa Jesosy io Mesia. Ino raha niboaka tamy Jesosy tamy tany paiky tan̈y? Avio atsika hizaha zen̈y?