Fampidiran̈a Fizaran̈a 5

Fanjava aroe tafarany nitsakandro Ranomasin̈y Mena, Israelita aby io efa navy tamy Bongo Sinay. Tio Jehovah nan̈ano fifan̈ikian̈a tamindro fa hanjary firenenanany manokan̈a iro. Izy niaro ndreky nan̈amia iro zay raha nilaindro. Izy nan̈amia iro mana nahanindro. Lamba nisikinindro tsy kay foeky. Tany nipitrahandro tsy nampavozo. Izikoa anao mananjanaka, ampia izy hahay antony nahavy Jehovah nan̈amia Israelita aby io Lalàn̈a, tran̈olay masin̈y, baka io pisoron̈o. Hazava aminany fa ilain̈y mare mitana volan̈a natao, ndreky manetry ten̈a, baka io tsy mivadiky amy Jehovah.