Fan̈azavan̈a

FIVORIAN̈A MANOKAN̈A

FANOMPOAN̈A AMY BETELA Mety man̈aton̈o fivorian̈a io lan̈iany pitory vita batisa 35 taon̈o mijotso, ke man̈iry hanompo amy Betela. Amy joma folakandra an̈anovan̈a izio. Mbala hambara lera ndreky tany han̈anovan̈a fivorian̈a io.

FIOFAN̈ANY PITORY MOMBA FANJAKAN̈ANY ZAN̈AHARY Zay pisava lalan̈a an̈elan̈elan̈a 23 firaka 65 taon̈o ke man̈iry hampitombo fanompoan̈a, mety man̈aton̈o fivorian̈a momba izio amy dimansy folakandra. Mbala hambara lera ndreky tany han̈anovan̈a izio.

FAN̈AZAVAN̈A

PIKARAKARA PAN̈ATRIKY Iro io natao han̈ampy anao. Ke miangavy atsika han̈aja toromariky jiaby amiandro momba tany han̈apitrahan̈a tomabily, lalan̈a, fangalan̈a pilasinolo, ndreky raha hafa.

BATISA Izikoa tsisy fiovany, sezy jiaby farany aloha natokan̈a hipitrahanolo hatao batisa. Tokony ho efa amy pilasy io iro, alohany kabaro momba batisa amy sabotsy maraindrain̈y manomboko. Samy tokony hitondra lamba mety hindesin̈y man̈ano batisa ndreky raha amafan̈a ain̈y iro.

FAN̈AMEZAN̈A Mila vola ikarakaran̈a sezy ipitrahan̈a, feo, fandifasan̈a video, ndreky raha hafa koa. Zen̈y an̈isany mahavy fivoriambe io maharavoravo ndreky mampihavan̈a atsika amy Jehovah. Ilain̈y fan̈amezan̈a ataonao an̈ampian̈a amy raha jiaby zen̈y ndreky asa fitorian̈a erantany. Efa nasian̈a boaty maromaro amy tany han̈anovan̈a fivoriambe ty, mety asianao zay vola tindrinao. Ten̈a ankasitrahin̈y zay vola tindrinao. Filankevipitantan̈ana koa man̈ano mersy anao mazoto mampandeha asany Fanjakan̈any Zan̈ahary.

FIKARAKARAN̈A OLO MARARY TAMPOKO Aleva onon̈o fa olo MARARY TAMPOKO FO karakarain̈y ao.

RAHA VERY NDREKY HITA Izikoa misy olo very raha na mahita rahanolo very, man̈aton̈a amy Pikarakara Raha Very Ndreky Hita. Izikoa misy rahanao very, hazavà amindro. Tokony haterin̈y an̈y koa tsaiky tafiala amy raimandreniny. Tokony halain̈y malaky an̈y izikoa misy tsaiky very, fotony iro io tsy pitana tsaiky. Tsara izikoa zanakanao pilasy araiky aminao, amy zen̈y iro voaramaso.

SEZY Tsara atsika mba mieritreritry namantsika. Aleva onon̈o fa olo havanao marikitry, olo tomabily araiky aminao, ndreky olo tran̈o araiky aminao na olo ampianarinao Baiboly fo mety hangalanao pilasy. Azafady, aza an̈apitrahan̈a raha an̈abony sezy tsy hipitrahanao.

ASA ANTSITRAPO Izikoa tianao han̈ano asa antsitrapo amy fivoriambeny vondroparitry io, man̈aton̈a iro amy sampandraharaha ty.