Ataova Tsotra Fampianaranao Olo

Ino Raha Nataony Jesosy?

VIDEO: Fan̈oharan̈a Nataony Jesosy Han̈aboahan̈a fa Babantsika io Mikarakara Atsika

1. Zahava VIDEO, na vakia Matio 6:25-27, baka io valia fan̈ontanian̈a aby ty:

1. Ino fan̈oharan̈a nampiasainy Jesosy nan̈aboahany fa Jehovah mikarakara atsika?

2. Ndray Jesosy nahay raha maro momba voron̈o, ino raha tsotra nikoran̈iny? Nan̈ino zen̈y fomba fampianaran̈a ten̈a tsara?

Ino Raha Ianarantsika Baka amy Jesosy?

2. Izikoa fomba fampianarantsika ataontsika tsotra, ho azonolo onon̈o edy raha ampianarintsika izy, ke ho tafiditry tsarabe an̈atiny fonany.

Aleva Tahaka Jesosy

3. Aza be koran̈a. Raha amy fitaovan̈a fampianaran̈a ao fo ten̈a koràn̈a fa tsy raha jiaby hainao momba fotokevitry ianaranaro io. Anao koa fa man̈apetraka fan̈ontanian̈a, ambesa tsarabe pianatranao han̈amia valiny. Izikoa tsy hainy valiny, na izikoa raha volan̈iny mifanohitry amy raha ampianariny Baiboly, mampiasà fan̈ontanian̈a fan̈ampiny baka izy hahay ny ten̈a marin̈y.

4. Ampiasà raha efa hainy pianatranao hampianaran̈a izy raha vaovao. Ohatra, alohany anaro hanomboko fianaran̈a momba familoman̈a olo maty, mety ampatsiarovinao izy hely raha efa nianarany momba man̈ano karakory ma olo koa fa maty.

5. Mitandrema izikoa fa mampiasa fan̈oharan̈a. Alohany anao ampiasa fan̈oharan̈a, diniha hely ty:

1. a. ‘Tsotra ma fan̈oharan̈a ampiasaiko ty?’

2. b. ‘Mora aminolo ampianariko ma izity?’

3. d. ‘Han̈ampy olo ampianariko hahazo onon̈o hevitry maventy ma ohatra ampiasaiko, sa ohatra io fo raha ho tsiarony?’