Korazy

Ino Raha Nataony Jesosy?

VIDEO: Jesosy Nan̈amia Torohevitry Tsaiky Lelahy Pan̈arivo

1. Zahava VIDEO, na vakia Marka 10:17-22, baka io valia fan̈ontanian̈a aby ty:

1. Ino aby toetry tsarany tsaiky lelahy io hitany Jesosy?

2. Nan̈ino Jesosy nila nanan̈a fitiavan̈a ndreky korazy koa fa han̈amia torohevitry tsaiky lelahy io?

Ino Raha Ianarantsika Baka amy Jesosy?

2. Atsika mila man̈aboaka fitiavan̈a amy pianatrantsika, kanefa mila ataontsika mazava tsarabe aminany koa raha mila ataony, baka hankatsara fifandraisany amy Jehovah.

Aleva Tahaka Jesosy

3. Ampia pianatranao hanan̈a tanjon̈o ndreky hanakatra zen̈y.

1. a. Ampiasà fizaran̈a “Ataova Ty” amy leson tsiaraikiaraiky amy boky Mankafiza Fiain̈ana Tsisy Farany!

2. b. Ampia pianatranao hahita ino aby raha mila ataony hanakaran̈a tanjon̈onany, na tanjon̈o mora takarin̈y zen̈y na tanjon̈o elaela takarin̈y.

3. d. Deray fo izy isaka mahavita fandrosoan̈a.

4. Zahava ino raha manakana izy tsy handroso, avio tahitahia izy handresy zen̈y.

1. Iritrireta hely:

   • ‘Izikoa olo ampianariko tsy mety mandroso firaka amy batisa, ino ma raha manakana izy?’

   • ‘Ino raha mety ataoko hanahitahian̈a izy?’

2. Mivavaha baka anao hanan̈a korazy ndreky fitiavan̈a hivolan̈a amy pianatranao mazava tsarabe raha tokony hataony.

5. Ajanòna fianaran̈a izikoa pianatranao tsy man̈ano fandrosoan̈a.

1. Man̈ontania ten̈a karaha ty misy ahitanao asa pianatranao io mandroso:

   • ‘Man̈araka raha ampianarin̈y izy ma olo ampianariko?’

   • ‘Man̈aton̈o fivorian̈a ma izy, avio mba mikoran̈a aminolo raha nianarany?’

   • ‘Izikoa fa refindrefin̈y nianarany, izy ma mba man̈iry tihanjary Vavolombelon̈o Jehovah?’

2. Izikoa pianatra Baiboly tsy man̈ano fandrosoan̈a:

   • An̈ontania izy, ino raha hitany manakana izy tsy han̈ano fandrosoan̈a.

   • Mifen̈a ho tsara fan̈ahy, lera anao man̈azava aminany fa hajanon̈o fianaran̈anany.

   • Ambarà izy mazava tsarabe ino fandrosoan̈a mila ataony izikoa izy tihimpody hianatra ndraiky.