“Indriô Zaho, Iraha Zaho!”

Isaia von̈ono fo, ke vain̈y alain̈y tahaka toetsain̈inany zen̈y. Nanan̈a finoan̈a ndreky tsy nijijy tamban̈a izy, ke tsy nisalasala nandeha, ndray tsy hainy tsarabe raha nan̈irahan̈a izy. (Is 6:8) Ke anao ke, tsao mba misy fan̈ovoan̈a mety hataonao, ke mandeha manompo amy tany mbala ilàn̈a pitory maro? (Sl 110:3) Tsara ndraiky man̈ano kontikonty momba vola ilain̈y alohany handeha. (Lk 14:27, 28) Kanefa, mifen̈a an̈aboaka fa anao von̈ono hafoe raha maro aminy asa fitorian̈a. (Mt 8:20; Mr 10:28-30) Karaha raha hita amy video Manompo amy Tany Mbala Ilàn̈a Pitory Maro, ho bebeny raha afoentsika hatsaran̈a ho azontsika amy fanompoan̈a Jehovah.

KOA FA BAKA MIZAHA VIDEO IO, TADIAVA VALINY FAN̈ONTANIAN̈A ABY TY:

• Ino raha tsy maintsy nataony fianakavian̈any Williams baka iro nahavita nifindra ta Ekoatera?

• Ino aby raha nidinihindro koa fa nifidy tany handeha hanompoan̈a?

• Ino aby hatsaran̈a nazondro?

• Aia tany mety hangalanao fan̈azavan̈a momba tany mila fan̈ampiany pitory maro?

AMY FOTOAMPIVAVAHAN̈ANY FIANAKAVIAN̈ANARO MAN̈ARAKA, IARAHA MIDINIKY FAN̈ONTANIAN̈A ABY TY:

• Akory hahavitanay jiaby fianakavian̈a araiky man̈itatra fanompoan̈a? (km 8/11 4-6)

• Izikoa zahay tsy afaka mifindra amy tany mila pitory maro, ino raha mety hataonay han̈ampian̈a fiangonan̈a misy zahay? (w16.03 23-25)