Hatsarà Fanompoan̈anao—Ataova Mifan̈araka amy Raha Ilainolo Koran̈anao

NAN̈INO RAHA ZEN̈Y TEN̈A ILAIN̈A? Iro voahosotro ndreky ondrikondriky hafa aby io mikaiky karazan̈olo jiaby “higiaka maimaimpoan̈a amy ranony fahin̈ana.” (Ap 22:17) Rano tiany koran̈iny io raha jiaby ataony Jehovah han̈afahan̈a atsika amy fahotan̈a ndreky fahafatesan̈a. Tiantsika han̈ampy olo samy amy fombany ndreky samy amy fivavahan̈anany. Dikanizen̈y, mila ataontsika mifan̈araka amy raha ilainolo tsiaraikiaraiky “vaovao tsara mandrakizay” koran̈intsika amindro.—Ap 14:6.

AKORY HAN̈ANOVAN̈A ZEN̈Y?

• Mifidiana fotokevitry ndreky andininy mety hanohin̈y fonolo amy faritaninaro. Anao mety mifidy araiky amindro raha mety koran̈iny amy Boky Fianaran̈a na mampiasa fotokevitry hafa hitanao fa mety aminolo aby io. Ino aby fotokevitry ndreky andininy ten̈a tianolo? Ino vaovao nandalo vo tsy ela ke mbala tsy afaka ambavanolo? Koran̈a momba ino ma ten̈a tiany lelahy? Koran̈a momba ino ma ten̈a tiany man̈angy?

• Mifen̈a hahay fomba fiarahaban̈a ndreky raha fataonolo amy faritaninaro.—2Ko 6:3, 4

• Mifen̈a baka hahay hampiasa Fitaovan̈a Fampianaran̈a, an̈atinizen̈y iro boky ndreky video aby io

• Aleva aminy Internet boky na video amy volan̈a fampiasainolo mety ho hitanao amy faritaninaro

• Ivoà mifan̈araka amy raha ilainolo itorianao fotokevitry koran̈inao. (1Ko 9:19-23) Ohatra, ino raha hikoran̈inao, izikoa olo io mivolan̈a fa izy vo naty havan̈a vo tsy ela?

ZAHAVA VIDEO, BAKA IO APITRAHA FAN̈ONTANIAN̈A ABY TY:

• Ino raha nikoran̈iny pitory io taminolo in̈y tamy voanalohany?

• Ino problemonolo nikoran̈any io?

• Ino amindro andininy aby tio in̈y ten̈a mety aminolo io, avio nan̈ino?

• Akory hataonao han̈ova koran̈a, baka izio hanohin̈y fonolo amy faritaninaro?