Aza Man̈ambony Ten̈a Izikoa fa Misy Olo Midera Anao

Matetiky olo koa fa midera atsika, mety hankahery atsika izio izikoa tsara antony mahavy iro man̈ano zen̈y. (Oh 15:23; 31:10, 28) Atsika fo mila mitandrin̈y tsao raha zen̈y hahavy atsika han̈ambony ten̈a.

ALIFASA VIDEO MIFEN̈A TSY HIVADIKY KARAHA JESOSY: KOA FA MISY OLO MIDERA, BAKA IO AN̈ONTANIA PAN̈ATRIKY:

Ino raha mety hahavy olo hidera atsika?
Akory nataondro rahalahy aby in̈y nidera Serge?
Ino ivolan̈ana fa efa nandombolombo raha nivolan̈indro momba Serge?
Ino raha nianaranao baka amy raha nivolan̈iny Serge?

Sary amy video ‘Mifen̈a Tsy Hivadiky Karaha Jesosy: Koa fa Misy Olo Midera’ ahitan̈a Serge miaraka mivory amy rahalahy maromaro amy tran̈ony rahalahy araiky. Tsy aminany fideran̈a nataondro rahalahy aby io tamy Serge, fa izy ndraiky manetry ten̈a mamaly volan̈andro.