Aza Man̈aparitaka Raha Tsy Marin̈y

Efa malaky izioty mandefa vaovao aminolo antapitrisany amy gazety, radio, tele ndreky Internet. Fa olo manompo “Zan̈ahariny fahamarin̈ana” mitandrin̈y baka tsy han̈ely tsaho ndreky tsy handefa zen̈y tsinia aminolo. (Sl 31:5; Ek 23:1) Misy vokany ratsy fan̈aparitahan̈a raha tsy marin̈y io. Ke man̈ontania ten̈a karaha ty, izikoa misy raha tsy hainao fahamarin̈any:

• ‘Atokisan̈a ma olo nivolan̈a izio?’ Mety tsy hainolo io raha jiaby momba raha koran̈iny io. Avio volan̈a indesinolo mahay miova, ke mitandrema izikoa tsy azonao antoko olo nivolan̈a izio voanalohany. Mila mitandrin̈y koa olo manan̈a andraikitry amy fiangonan̈a tsao mivolan̈a raha tsy azo antoko, fotony iro inoanolo volan̈a

• ‘Mandrobaka lazanolo ma izio?’ Izikoa izio mandrobaka lazanolo araiky na ninolo maromaro, aza aparitaka.—Oh 18:8; Fi 4:8

• ‘Raha ten̈a nisy marin̈y ma tantara io?’ Mitandrema izikoa maharen̈y koran̈a na tantara karaha mahalian̈a

ZAHAVA VIDEO AKORY HATAOKO BAKA ZAHO TSY HITSIKO OLO? AVIO AN̈ONTANIA PAN̈ATRIKY:

• 

  Ino mety ho vokatra raha volan̈intsika, izikoa Ohabolana 12:18 zahan̈a?

• 

  Nan̈ino man̈ampy atsika hahay handanjalanja Filipianina 2:4 io, atsika koa fa mikoran̈a momba olo?

• 

  Ino raha tokony hataontsika, izikoa misy koran̈a efa mivadiky fitsikoan̈a olo na fankaratsian̈a olo?

• 

  Alohany atsika hikoran̈a momba olo, ino aby fan̈ontanian̈a mila valintsika?