Man̈aboaka Fitiavan̈a Atsika Izikoa Man̈eky Fan̈anarany Jehovah

Fandroasan̈a io miaro fiangonan̈a sady fan̈anaran̈a olo nan̈ano ratsy kanefa tsy nibebaka. (1Ko 5:6, 11) Atsika koa man̈eky fan̈anaran̈a baka amy Jehovah, zen̈y mivolan̈a fa atsika man̈aboaka fitiavan̈a. Nan̈ino ma atsika mila man̈ano zen̈y fo ndray mety halahelo mare, na atsika havanolo voaroaka io, na an̈isany nan̈ano komitimpitsaran̈a?

Raha farany maventy, aboakantsika amy zen̈y fa miaro lazany Jehovah atsika ndreky miaro fitsipikinany momba fahamasin̈ana io. (1Pe 1:14-16) Aboakantsika amy zen̈y koa fa tiantsika olo voaroaka io. Fan̈anaran̈a mare io nata mampangotsoko, izio mitondra “vokatrany fiadan̈ana ndreky fahamarin̈ana.” (He 12:5, 6, 11) Tsy mijery fitsipikiny Jehovah atsika izikoa mbala mifandray aminolo voaroaka na olo niala antsitrapo. Aza adin̈a fa fan̈anarany Jehovah io ‘amy lerany tsarabe.’ (Je 30:11) Atsika koa man̈eky fan̈anarany Jehovah ndreky manan̈a fahazaran̈a arapan̈ahy tsara fo, atsika man̈anten̈a fa mbala himpody amy Babantsika mamindra fô io fo olo voaroaka io. —Is 1:16-18; 55:7.

ZAHAVA VIDEO AZA MIVADIKY FA MANOMPOA JEHOVAH AMY FÔ JIABY, AVIO AN̈ONTANIA PAN̈ATRIKY:

• 

  Karakory alahelony raimandreny tamy video in̈y, tamy zanakandro araiky voaroaka?

• 

  Akory mety hataony fiangonan̈a hankahery olo manan̈a havan̈a voaroaka?

• 

  Ino tantara amy Baiboly ahitantsika fa tsy fivadihan̈a amy Jehovah raha ten̈a maventy tozay tsy fivadihan̈a aminy havan̈a?

• 

  Akory han̈aboahantsika fa tsy fivadihan̈a amy Jehovah raha ten̈a maventy mandilatra tsy fivadihan̈a aminy havan̈a?