Aza Alain̈y Tahaka Olo Mivadiky

Nivadiky tamy Jehovah ry Kora, Datana, ndreky Abirama, fotony iro tsy nan̈eky lamin̈y napetrany. Nivoneny Jehovah iro ndreky olo panohan̈a iro. (No 16:26, 27, 31-33) Ino aby raha mety hitsapa tsy fivadihantsika amy Jehovah? Ohatranjovy amy Baiboly ao hisakana atsika tsy han̈ano karaha iro olo aby nivadiky in̈y?

ZAHAVA VIDEO AZA ALAIN̈Y TAHAKA OLO MIVADIKY AVIO TADIAVA VALINY FAN̈ONTANIAN̈A ABY TY:

• 

  Ino raha nitsapa tsy fivadihany Nadia, avio ino ohatra ratsy azony onon̈o ke nan̈ampy izy tsy hivadiky?

• 

  Ino raha nahavy rahalahy araiky diso fan̈antinan̈a ke nitsapa tsy fivadihan̈anany raha io, avio ino ohatra ratsy hitany ke nan̈ampy izy tsy hivadiky?

• 

  Ino raha nitsapa tsy fivadihany antipan̈ahy araiky, avio ino ohatra ratsy nazony onon̈o ke nan̈ampy izy tsy hivadiky?

• 

  Ino raha nitsapa tsy fivadihany rahalahy araiky ta lekolindro tan̈y, avio ino ohatra ratsy hitany ke nan̈ampy izy tsy hivadiky?