Mahaiza Mahinakinaka Olo

Olo mahinakinaka olo zen̈y mahay raha mahazo olo araiky, raha tsapanolo io, antony mahavy olo man̈ano raha, ndreky raha ilainolo io. Ho tsapanolo io fa atsika tia izy ndreky tihan̈ampy izy. Mangala tahaka Jehovah tia olo ndreky mahinakinaka olo atsika, izikoa mahinakinaka olo lera atsika man̈ano fanompoan̈a, ke zen̈y handrisiky olo han̈aton̈o Jehovah.—Fi 2:4.

Fahinakinahan̈a olo io tsy mandeha hoazy. Mila hita amy fomba fitandrin̈esantsika, fomba fivolan̈antsika, sorantsika ndreky fihetsikintsika izio. Mila mahay mandiniky koa atsika izikoa tihahinakinaka olo. Dinihintsika ino raha tiany, ino finoan̈anany ndreky ino raha mahazo izy. Atsika man̈amia fan̈azavan̈a mifan̈araka amy raha ilainy ndreky man̈ampy izy han̈araka izio, fa atsika fo tsy miforse izy hiova. Ho ravoravo mare atsika, izikoa olo io man̈eky hampian̈a karaha zen̈y.

ZAHAVA VIDEO MAMPARAVORAVO ASA FAN̈ANOVAN̈A PIANATRA IO: HATSARÀ FAHAIZAN̈ANAO: MAHAIZA MAHINAKINAKA OLO AVIO TADIAVA VALINY FAN̈ONTANIAN̈A ABY TY:

• 

  Jade koa fa tara navy, akory nataony Neeta nahinakinaka izy?

• 

  Jade koa fa nivolan̈a tamy Neeta fa tsy miditry aminany raha ampianariny Neeta, akory nan̈aboahany Neeta fa izy nahinakinaka Jade?

• 

  Jade koa fa nivolan̈a tamy Neeta fa izy tsy mahay mandamindraha, akory nan̈aboahany Neeta fa izy nahinakinaka Jade?