Ampiasà amy Fanompoan̈a Boky Mankafiza Fiain̈ana Tsisy Farany!

Ten̈a raravoravo atsika nahazo bokikely ndreky boky vaovao hitaritan̈a fampianaran̈a Baiboly! Mivavaka amy Jehovah atsika, baka izy hitahy ezakantsika han̈ano pianatra olo farany maro. (Mt 28:18-20; 1Ko 3:6-9) Karakory ma fampiasan̈a fitaovan̈a vaovao aby io?

Bokikely Mankafiza Fiain̈ana Tsisy Farany! io fanombohan̈a fianaran̈a Baiboly. Vaovao fomba fampianaran̈a amizio. Ke areha toromariky ambany io lera anao man̈oman̈a ndreky mitariky fampianaran̈a Baiboly.a

• Vakia fianaran̈a, avio iaraha midiniky fan̈ontanian̈a aby ao

• Vakia iro andininy misoratra “vakia” aby io, avio ataova mazava amy pianatra fomba hampiharan̈a iro andininy aby io

• Alifasa avio iaraha midiniky video. Ampiasà fan̈ontanian̈a amezany ao

• Tsara izikoa mahavita leson araiky isaka mianatra

Anao koa fa mitory, bokikely io antsendriky amia izy, misy ahitanao asa izy lian̈a tsarabe. (Zahava efajoro “Karakory Atao Man̈apetraka Bokikely Mankafiza Fiain̈ana Tsisy Farany! Izikoa fa Mitory?”) Izikoa tapitrinaro bokikely io, an̈ontania izy izikoa mbala tiany hanohy. Izikoa izy mbala hanohy, amia boky izy avio atomboha amy leson 04 fianaran̈a. Fa izikoa ndraiky misy olo efa nampianarinao Baiboly tamy boky Ampianariny Atsika na Aza Miala amy Fitiavany Zan̈ahary, afindrà amy boky Mankafiza Fiain̈ana Tsisy Farany! fianaran̈a, fa anjaranao mifidy aia hikomansen̈a izy.

ALIFASA VIDEO TONGASOA AMY FIANARAN̈A BAIBOLY AVIO VALIA FAN̈ONTANIAN̈A ABY TY:

• Ino ma raha hianarany pianatra io amy boky vaovao io?

• Nan̈ino ma olo handeha ampianarinao boky io mila han̈aboahanao video ty?

• Ino aby tanjon̈o tokony hampirisihinao hitakariny pianatranao tsihelihely?​—Zahava tablo “Antony Ndreky Ataova Ty Isaka Fizaran̈a”