Efa Marikitry Donia Vaovao! Ambarà Olo Vaovao Tsara Zen̈y

Han̈ano ezaka manokan̈a atsika amy Novambra. Han̈ambara olo atsika aminio fa efa marikitry donia vaovao. (Sl 37:10, 11; Ap 21:3-5) Amboara fotoan̈anao han̈anovan̈a fanompoan̈a erakany vitanao. Izikoa anao han̈ano pisava lalan̈a pan̈ampy, anao mety mifidy han̈ano 30 lera na 50 lera.

Miomàn̈a hikoran̈a aminolo farany maro, andininy araiky amy Baiboly mikoran̈a momba donia vaovao. Anao koa mifidy andininy hampiasainao, diniha ino andininy ten̈a tianolo amy faritaninaro. Izikoa olo itorianao lian̈a, izy amia Tilikambo Fiambesan̈a No. 2 2021. Avio tsidiha farany malaky izy, ke manomboha fampianaran̈a Baiboly amy bokikely Mankafiza Fiain̈ana Tsisy Farany! Ho ravoravo mare atsika, izikoa varian̈a man̈ambara “vaovao tsara momba raha tsarabe io”!​—Is 52:7.

ZAHAVA HIRA HO AVY DONIA VAOVAO AVIO TADIAVA VALINY FAN̈ONTANIAN̈A ABY TY:

• Ino raha tsara mbala ho avy minimineny tsaiky man̈angy hely in̈y?

• Ino aby raha sasany ten̈a tianao amy donia vaovao?

• Nan̈ino fisaintsain̈ana fan̈antinan̈anao io man̈ampy anao hioman̈a ndreky han̈ano erakany vitanao aminy ezaka manokan̈a amy Novambra io?​—Lk 6:45