Ampia Olo Ampianarinao Baiboly Baka Hiala amy Fahazaran̈a Ratsy

Olo madio fitondranten̈a fo afaka mankafy fifandraisan̈a marikitry amy Jehovah. (1Pe 1:14-16) Izikoa misy pianatra Baiboly tafiala amy fahazaran̈a ratsy, iro ho sambatra miaraka amy fianakavian̈andro, ho salama vatan̈a, avio tsy ho lany vola amy raha tsisy dikany.

Hazavà amindro tsarabe fitsipikiny Jehovah momba fitondranten̈a, antony nan̈amezany fitsipiky io ndreky hatsaran̈a azo amy fan̈arahan̈a izio. Mifantoha amy fan̈ampian̈a pianatranao han̈ova fomba fisain̈ananany, amy zen̈y izy hahavita han̈ano raha tiany Jehovah. (Ef 4:22-24) Amia toky izy fa ho vitany fo hiala amy fahazaran̈a ratsy, na efa ela izy zatra izio, fotony Jehovah han̈ampy izy. (Fi 4:13) Ampirisiha izy hivavaka mare amy Jehovah izikoa fa tihimpody mare amizio. Ampia izy hahita raha mety hitariky izy hanota, ke mila tandremany. Ampirisiha izy hanolo fahazaran̈a ratsy io amy fahazaran̈a tsara. Ho ravoravo anao izikoa mahita olo ampianarinao miova, fotony nampiany Jehovah.

ZAHAVA VIDEO AMPIA OLO AMPIANARINAO BAIBOLY BAKA HIALA AMY FAHAZARAN̈A RATSY AVIO TADIAVA VALINY FAN̈ONTANIAN̈A TY:

• 

  Akory nataony Neeta ndreky antipan̈ahy aby in̈y nahitan̈a fa iro natoky fa Jade mbala ho afaka amy fahazaran̈a ratsinany?

• 

  Nan̈ino Neeta mbala nila nan̈ampy Jade fo?

• 

  Akory nataony Jade nitady fan̈ampian̈a tamy Jehovah?