FOMBA FIAIN̈ANA KRISTIANIN̈Y
Azovy aby Kamaradinao Aminy Internet?
Kamarady zen̈y olo ten̈a “fankazatra aminao ndreky marikitry fônao.” Ohatra, komansy kamarady mare Davida ndreky Jonatana, tamy Davida baka nahafaty Goliata. (1Sa 18:1) Jonatana nanan̈a toetry tsara tiany Davida, avio Davida koa nanan̈a toetry tsara tiany Jonatana. Hita baka amy zen̈y fa fikamaradianan̈a io miorin̈y amy fahaizan̈a ny marin̈y. Mila mifen̈y ndreky mila fotoan̈a atsika zay vo mahay olo araiky. Fa amy tranonkala fifaneraseran̈a ndraiky tsy mira zen̈y. Indraiky mikliky fo anao fa mahazo “ami” edy. Vitanolo aminy Internet ao mifidy volan̈a tiandro hatao ndreky man̈ano raha hahavy olo ho tia iro, safe tsy sarotro amindro man̈asitriky ny marin̈y momba iro. Ke tsara izikoa asianao limitiny olo ataonao kamarady aminy Internet. Izikoa misy olo tsy hainao tsarabe man̈ano demande d’ami aminao, aza ikian̈a demandindro na fafà (supprimer). Olo sasany mifidy tsy hampiasa tranonkala fifaneraseran̈a nohony fatahoran̈a raha mety havoa iro baka amy fampiasan̈a izio. Fa izikoa anao mifidy hampiasa izio, ino aby ma raha tsy tokony hadin̈anao?
ZAHAVA VIDEO MBA MAHAIZA FETSIFETSY IZIKOA FA MAMPIASA INTERNET! AVIO TADIAVA VALINY FAN̈ONTANIAN̈A ABY TY:
Ino raha tokony hidinihinao alohany anao han̈ano piblikasion ndreky han̈apetraka sary?
Nan̈ino ma anao tokony hifidy tsarabe olo ataonao kamarady aminy Internet?
Nan̈ino tokony hasianao limitiny fotoan̈a hilaninao amy tranonkala fifaneraserana?—Ef 5:15, 16