FOMBA FIAIN̈ANA KRISTIANIN̈Y

Efa Von̈ono ma Anao Izikoa Misy Korontan̈a Tampoko?

Arakarakany an̈aton̈any farany donia ty, ampoizintsika hisiany korontan̈a ndreky lagera. (Ap 6:4) Akory hioman̈antsika amy raha jiaby zen̈y?

Miomàn̈a aminy arapan̈ahy: Mitadiava toro lalan̈a Baiboly ndreky tantara aby mankafatatra fatokisanao Jehovah ndreky fandaminan̈anany, ndreky han̈ampy anao tsy hilan̈y amy donia ty foeky. (Oh 12:5; jr 125-126 § 23-24) Izioty fotoan̈a tokony hiarahan̈a tsarabe amy fiangonan̈a.—1Pe 4:7, 8
Ataova pare raha ten̈a ilainao: Anao koa tsy afaka hiala antran̈o, ataova azo antoko tsara fa tsisy atahoran̈a tran̈onao, avio man̈anova rezervany raha ten̈a ilainao. Diniha sandra koa akory hataonao, izikoa anao tsy maintsy miala antran̈onao. Impodiana zahan̈a saka fasianao raha ten̈a ilainao, tsao mbala tsendriky misy gan ndreky kasibosy, avio vola ao. Diniha koa akory hifandraisanao aminy antipan̈ahy aby io, avio ataova azo antoko fa iro efa mahay fomba hifandraisan̈a aminao.—Is 32:2; g17.5 3-7

Izikoa fa misy korontan̈a, aza voly man̈ano fandaharan̈a arapan̈ahy, karaha ataony vavaka, fivorian̈a, fianaran̈a manokan̈a. (Fi 1:10) Aza mifindrafindra izikoa anao tsy adoso amy tany misy anao. (Mt 10:16) Aza matity hanin̈y ndreky raha ten̈a ilain̈a aminolo.—Ro 12:13.

ZAHAVA VIDEO EFA VON̈ONO MA ANAO IZIKOA FA MISY RAHA TAMPOKO MANDALO? AVIO TADIAVA VALINY FAN̈ONTANIAN̈A ABY TY:

Akory mety han̈ampiany Jehovah atsika izikoa fa misy raha tampoko mandalo?
Ino aby raha mety hataontsika hioman̈ana amizio?
Akory mety han̈ampiantsika olo avoa raha baka tamizio?