Ataova Raha Hamparavoravo Fianakavian̈anao

Tiany Jehovah ho ravoravo fianakavian̈a jiaby. (Sl 127:3-5; Mpto 9:9; 11:9) Fa mety tsy ho ravoravo atsika azony raha ratsy maro mandalo amy donia ty ndreky hadisovan̈a ataony fianakavian̈antsika. Ino raha tokony hataony tsiaraikiaraiky an̈atiny fianakavian̈a, baka iro samy ho ravoravo?

Lelahy tokony han̈amia voninahitry vadiny. (1Pe 3:7) Izy manokana fotoan̈a iarahan̈a aminany. Izy tsy mitaky raha tsy ho vitany vadiny, avio izy mankasitraka raha tsara ataony vadiny ndreky zanany. (Kl 3:15) Aboakany amy raha volan̈iny fa izy tia vady ndreky midera izy.​—Oh 31:28, 31.

Man̈angy mizaha hevitry fo han̈ampiany vadiny. (Oh 31:12) Izy man̈aja vadiny ndreky miaraka miasa aminany. (Kl 3:18) Izy tsara fan̈ahy izikoa fa mikoran̈a amy vadiny ndreky izikoa fa mikoran̈a aminolo raha momba vadiny.​—Oh 31:26.

Raimandreny tokony hanokana fotoan̈a hiarahan̈a amy zanakandro. (De 6:6, 7) Volan̈indro amy zanakandro fa iro tia zanakandro. (Mt 3:17) Iro koa fa man̈anatra tsaiky, aboakandro fo fa iro tia zanaka ndreky mahay mandiniky.​—Ef 6:4.

Tsaiky tokony han̈aja raimandreny ndreky han̈araka volan̈andro. (Oh 23:22) Koran̈indro amy raimandrenindro raha an̈atiny jerindro ndreky an̈atiny fondro. Iro man̈eky fan̈anaran̈a ataony raimandrenindro ndreky man̈aja iro.​—Oh 19:20.

ZAHAVA VIDEO MIFEN̈A HAN̈ANO RAHA MAMPARAVORAVO AN̈ATY TOKANTRAN̈ONAO AVIO TADIAVA VALINY FAN̈ONTANIAN̈A TY:

• Ino raha nataondro tsiaraikiaraiky baka iro samy ravoravo?