Akory Atao Mianatra?

Ino Tôkony Hianaran̈a Voanalohany?

Voafetra fo fotoan̈antsika, ke hely fotoan̈a afaka han̈anaovan̈a fianaran̈a manokan̈a. Akory basy mety an̈araraotantsika tsarabe fotoan̈a zen̈y? Voanalohany, aleva onon̈o tsarabe raha vakinao. Ho maro hatsaran̈a ho azonao izikoa anao mianatra raha helihely fo kanefa voadiniky tsara, tozay anao mamaky malakilaky fan̈azavan̈a maro.

Baka io, diniha ino raha tôkony hianaran̈a voanalohany. (Efes. 5:15, 16) Ty misy sosokevitry:

• Mamakia Baiboly isanandra. (Sal. 1:2) Tsara izikoa toko aby hianaran̈a amy fivorian̈a andavanandra antsendriky hanombohanao izy.

• Omàn̈a fianaran̈a Tilikambo Fiambesan̈a ndreky fivorian̈a andavanandra. Man̈omàn̈a koa valinteny.​—Sal. 22:22.

• Avio izikoa anao mbala misy fotoan̈a, vakia koa hanin̈y arapan̈ahy hafa, karaha ataony Mifohaza! ndreky Ny Tilikambo Fiambenana natao ninolo jiaby. Zahava koa iro video ndreky raha aby amy jw.org.

• Man̈anaova fikarohan̈a mikasiky raha tianao ho hay. Ohatra, mikasiky problemonao, fan̈ontanian̈a mandalo an̈aty jerinao, na fotokevitry araiky amy Baiboly tianao ho hay tsarabe. Izikoa tianao hahita hevitry, mandihana amy fizaran̈a “Kilalao Ara-baiboly” amy jw.org.