Akory Atao Mianatra?

Ino Han̈ampy Anao Haharaka Fan̈azavan̈a Farany?

Ten̈a miavaka fotoan̈a iain̈antsika amy zioty, fotony Jehovah man̈ambara raha maro baka amy Volan̈anany ao mandilatrany taloha. (Dan. 12:4) Fa mety tsy ho mora amintsika haharaka fan̈azavan̈a farany mikasiky fahazahoantsika iro fahamarin̈ana amy Baiboly. Ke aia mety ahitantsika iro fan̈itsian̈a ndreky fan̈azavan̈a aby zen̈y?

• Amy Fanondroana Bokin’ny Vavolombelon’i Jehovah, ambaniny fotokevitry “Fahatakarana Mazava Kokoa” ao ahitan̈a listiny fan̈itsian̈a jiaby niboaka eraka taon̈o niboahany. Izikoa tianao ho hita fotokevitry tsiaraikiaraiky, midira amy Watchtower Library na FITEHIRIZAM-BOKIN’NY Vavolombelon’i Jehovah ao amin’ny Internet, avio soràta amy tany fanoratan̈a volan̈a tadiavin̈y iô “Fahatakarana Mazava Kokoa.” (Ampidira miaraka amy guillemet.)

• Amy Fitaovana Fikarohana ho An’ny Vavolombelon’i Jehovah ao misy listy vitsivitsy milahatra eraka fotokevitry. Mandihana amy “Vavolombelon’i Jehovah”, baka io “Fampianarana sy Zavatra Inoana”, avio “Fampianarana Nihanazava.”

Nan̈ino izikoa amy fianaran̈a manokan̈a ataonao, anao mitady fan̈azavan̈a nahitsy vo tsy ela? Avio, tadiava ino antony baka amy Baiboly nahavy fan̈itsian̈a io tsy maintsy natao.