Omàn̈a Tsara Fônao

Atsika koa fa mianatra Baiboly, tiantsika raha ianarantsika momba Jehovah io ho tafiditry am-pôntsika mare. Atsika mety mangala tahaka modelin’i Ezra. Izy ‘nan̈oman̈a fônany handiniky ndreky han̈araka Lalàn̈an’i Jehovah.’ (Ezra 7:10) Akôry mety han̈oman̈antsika fôntsika?

Mivavaha. Isaka alohan’ny hianatra, atsika mila mivavaka antsendriky. Angataha Jehovah han̈ampy anao hahatakatra tsara ndreky hahita akôry han̈arehanao raha ianaranao io.​—Sal. 119:18, 34.

Mifen̈a hanetry ten̈a. Ten̈a fahamarin̈ana io asitrikin’ny Zan̈ahary amin’olo man̈ambony ten̈a ndreky mitôron̈o mahay raha. (Lioka 10:21) Tandrema tsao tihitôron̈o mahay mandilatra olo hafa fo antony han̈anaovanao fikarohan̈a. Ke izikoa fa misy raha mila hivoan̈a, mifen̈a hanetry ten̈a ke man̈ovoà.

Mitandrin̈esa hira momba Fanjakan̈a io. Misy heriny mare amy fôntsika lamoziky io sady man̈ampy atsika ho vôn̈ono hanompo. Ke mety han̈ampy anao han̈oman̈a fônao mitandren̈y hira momba Fanjakan̈a io alohan’ny anao hianatra.