Kristianin̈y Ndreky Lagera: Ino Raha Koran̈iny Baiboly Momba Zen̈y?

Izikoa zahan̈a raha misy amy lagera a Ukraine io, iro pitariky fivavahan̈a aby io mandrisiky olo hanohan̈a lagera. Zahava fa iro samy milan̈y amy maramila amy tanindro:

• “Atsika ten̈a mankasitraka iro maramilantsika aby io fotony iro miaro Ukraine tanindrazan̈antsika amy fahavalontsika ... Zahay mivavaka ninaro baka io aminaro an̈y fo fônay.”​—Épiphane I, sefony Leglizy Ortodoksy a Ukraine, a Kiev, araka tatitriny The Jerusalem Post, tamy 16 Marsy 2022.

• “An̈atiny Moscou manafiky Ukraine in̈y, man̈ano fotoampivavahan̈a nindro maramilany la Russie sefony Leglizy Ortodoksy tamy dimansinizio. Izy nandrisiky iro maramila aby io hiaro tanindrazan̈andro. Nivolan̈a koa izy fa izikoa kabarony fiarovan̈a tanindrazan̈a, tsisy mandilatra la Russie.”​—Reuters, 3 Avrily 2022.

Tokony handeha lagera ma Kristianin̈y? Ino raha koran̈iny Baiboly momba zen̈y?

Ino ma raha ten̈a koran̈iny Baiboly?

Koran̈iny Baiboly fa olo ten̈a pan̈aradia Jesosy Kristy zen̈y tsy midimiditry amy raha momba lagera foeky.

• “Ampodiana amy tran̈ony sabatranao io, fotony lan̈iany olo mampiasa sabatra hofoatiny sabatra.”​—Matio 26:52.

  Ten̈a man̈araka volan̈a Jesosy io ma olo araiky koa manohan̈a lagera?

• “Anaro amiako didy vaovao: Anaro mifankatiava. Anaro mila mifankatia, karaha nitiavako anaro koa. Baka amy zen̈y ahaizanolo fa anaro pianatranaka ankitin̈y, izikoa anaro mifankatia.”​—Jaona 13:34, 35.

  Ten̈a man̈aboaka fitiavan̈a ahaizan̈a pan̈aradia Jesosy ma olo araiky koa manohan̈a lagera?

Koa tianao hahazo fan̈ampiny fan̈azavan̈a, vakia lahatsoratra “Mety ve Raha Miady ny Kristianina?”

Akory fahitany Kristianin̈y izioty raha momba lagera?

Vitany Kristianin̈y ma izioty tsy midimiditry amy raha momba lagera foeky? Ia. Baiboly efa nivolan̈a tsialohaloha fa hisy olo baka amy firenena jiaby hiain̈y mifan̈araka amy fampianaran̈any Jesosy “tsy hianatra ady eky.” “Andra farany” ikahiany Baiboly andra iain̈antsika izioty, ke tanteraka raha aby io iziô.​—Isaia 2:2, 4.

• Koa tianao hahazo fan̈ampiny fan̈azavan̈a, vakia lahatsoratra mifampitohy amy Tilikambo Fiambesan̈a, “Mankasitraka ny Ady ve Andriamanitra?”

Efa tsy ho ela Jehovah,a “Zan̈ahariny Fiadan̈ana”, hampiasa fitondrasan̈anany andan̈itry an̈y hankafaka olo “amy raha mampijaly iro ndreky han̈avotro iro aminolo kafiry iro.”​—Filipianina 4:9; Salamo 72:14.

• Izikoa tianao ho hay akory hampatanteraka zen̈y, zahava video Karakory ma Fanjakan̈any Zan̈ahary Zen̈y?