Efa Feno Taon̈o Araiky Lagera an Ukraine: Ino Fan̈antinan̈a Amezany Baiboly?

Taon̈o araiky tamy joma 24 Fevrie 2023 nisiany lagera tan Ukraine. Misy tatitry mivolan̈a fa misy maramilany Ukraine ndreky Russie kadiriny 300 000 maty na naratra. Olo tsotra kadiriny 30 000 koa niritriretin̈y fa maty taminy ady io. Kanefa mety ho mandilatrany zen̈y isanolo maty na naratra.

Mampalahelo fa mbala tsy honohono ho hay foeky ombian̈a hifaran̈any ady io.

• “Efa taon̈o araiky nidirany maramilany Russie tan Ukraine, kanefa izikoa zahan̈a raha misy karaha tsy hifaran̈a foeky ady io. Tsy hay foeky azovy amindro handresy, baka io iro samy tsy tihitady marimaritry iraisan̈a.”​—NPR (National Public Radio), 19 Fevrie 2023.

Maro olo tsy manantsin̈y sahiran̈a ndreky mijaly erantany baka aminy ady io ndreky ady amy tany hafa. Aradalàn̈a izikoa maro olo malahelo amy zen̈y. Ino fan̈antinan̈a amezany Baiboly? Mbala ho foan̈a ma ady andra araiky an̈y?

Ady araiky han̈afoan̈a ady jiaby

Misy ady araiky zay volan̈iny Baiboly han̈avotro fa tsy handripaka olombelon̈o. Aramagedona ikahian̈a ady io, avio izio ‘adiny andra maventiny Zan̈ahary Farany Mahery.’ (Apokalypsy 16:14, 16) Aminy ady io Zan̈ahary handeha han̈afoan̈a fitondran̈anolombelon̈o jiaby, fotony iro io fototro mahavy ady erantany. Izikoa tianao ho hay nan̈ino Aramagedona io hampisy fiadan̈ana, vakia lahatsoratra aby ty:

• “Inona no Atao hoe Ady Hara-magedona?”

• “Vaovao Tsara ny Hara-magedona!”